ອາກຊັງຕິີນເຊີດຊູຊື່ສຽງປະທານໂຮ່ຈີມິນ ເນື່ອງໃນໂອກາດສະເຫຼີມສະຫຼອງ 129 ປີ ແຫ່ງວັນຄ້າຍວັນເກີດຂອງປະທານໂຮ່ຈີມິນ (ພາບ: ຮ່ວາຍນາມ/ TTXVN)

ເນື່ອງໃນໂອກາດສະເຫຼີມສະຫຼອງ 129 ປີ ແຫ່ງວັນຄ້າຍວັນເກີດຂອງປະທານໂຮ່ຈີມິນ (19 ພຶດສະພາ 1890 – 19 ພຶດສະພາ 2019), ວັນທີ 26 ພຶດສະພາ, ສະຖາບັນວັດທະນະທຳ ອາກຊັງຕີນ - ຫວຽດນາມ (ICAV) ໄດ້ສົມທົບກັບສະຖານທູດ ຫວຽດນາມ ປະຈຳອາກຊັງຕີນ ເປັນກຽດຈັດຕັ້ງພິທີເຊີດຊູສື່ສຽງຜູ້ນຳທີ່ແສນເຄົາລົບຮັກຂອງ ຫວຽດນາມ ຢູ່ເຂດ ອະນຸສາວະລີ ປະທານ ໂຮ່ຈີມິນ ຢູ່ ນະຄອນຫຼວງ Buenos Aires, ປະເທດ ອາກຊັງຕີນ.

        ກ່າວຄຳເຫັນທີ່ພິທີ, ທ່ານນາງປະທານ ICAV Poldi Sosa ໄດ້ຍ້ອງຍໍສັນລະເສີນບັນດາການປະກອບສ່ວນອັນໃຫຍ່ຫຼວງຂອງປະທານ ໂຮ່ຈີມິນ ໃຫ້ແກ່ການສະຖາປະນາປະເທດ ສາທາລະນະລັດປະຊາທິປະໄຕ ຫວຽດນາມ ແລະ ປັດຈຸບັນແມ່ນ ປະເທດ ສາທາລະນະລັດ ສັງຄົມນິຍົມ ຫວຽດນາມ. ທ່ານນາງ Poldi Sosa ຢັ້ງຢືນວ່າ ປະທານໂຮ່ຈີມິນແມ່ນແບບຢ່າງທີ່ດີກ່ຽວກັບລັດທິຮັກຊາດ, ແມ່ນກຳລັງໜູນອັນຍິ່ງໃຫຍ່ສຳລັບການຕໍ່ສູ້ຂອງບັນດາຊົນຊາດທີ່ຖືກກົດຂີ່ຂູດຮີດໃນໂລກ, ເພື່ອສັນຕິພາບ ແລະ ຄວາມຍຸຕິທຳສັງຄົມ. ທ່ານນາງກໍ່ຫວັງວ່າຊີວິດ ແລະ ພາລະກິດ ຂອງປະທານ ໂຮ່ຈີມິນ ກໍ່ຄືປະຫວັດສາດອັນສະຫງ່າອົງອາດຂອງປະເທດ ຊາດ ຫວຽດນາມ ຈະໄດ້ຮັບການເຜີຍແຜ່ໂຄສະນາ ແລະ ແນະນຳຢ່າງກວ້າງຂວາງ ເຖິງປະຊາຊົນ ອາກຊັງຕິນທຸກຊັ້ນວັນນະ ກ່ວາອີກ, ພິເສດແມ່ນຄົນລຸ້ນໜູ່ມ, ຜ່ານນັ້ນຊຸກຍູ້ການພົວພັນມິດຕະພາບລະຫວ່າງສອງປະເທດໃຫ້ຫຼາຍກ່ວາອີກ.

        ສ່ວນທ່ານເອກອັກຄະລັດຖະທູດ ຫວຽດນາມ ປະຈຳ ອາກຊັງຕີນ ດັ້ງຊວນຢູງ ຢັ້ງຢືນວ່າ ປະທານໂຮ່ຈີມິນບໍ່ພຽງແຕ່ແມ່ນວິລະຊົນແຫ່ງຊາດເທົ່ານັ້ນ ຫາກຍັງແມ່ນນັກຮົບກອມມູນິດສາກົນເປັນແບບຢ່າງ, ເປັນເພື່ອນມິດສະໜິດສະໜົມຂອງບັນດາຊາດທີ່ໄດ້ ແລະ ກຳລັງຕໍ່ສູ້ເພື່ອສັນຕິພາບ, ເອກະລາດປະເທດຊາດ, ປະຊາທິປະໄຕ ແລະ ສັງຄົມທີ່ກ້າວໜ້າໃນທົ່ວໂລກອີກດ້ວຍ.