(VOVWORLD) -ຕອນບ່າຍວັນທີ 4 ມິຖຸນາ, ການເຈລະຈາຂັ້ນສູງກ່ຽວກັບການເພີ່ມທະວີລັກສະນະຊ່ວຍເຫຼືອກັນລະຫວ່າງ ວິໄສທັດປະຊາຄົມອາຊຽນ 2025 ແລະ ໂຄງການດຳເນີນງານຂອງ ສປຊ ກ່ຽວກັບການພັດທະນາແບບຍື່ນຍົງ 2030 ຄັ້ງທີ 4 ໄດ້ຈັດຂຶ້ນທາງອອນລາຍ.
 ທ່ານ ຫງວຽນກ໊ວກຢຸງ ຮອງລັດຖະມົນຕີ, ຫົວໜ້າ SOM ອາຊຽນ ຫວຽດນາມ |
ທ່ານ ຫງວຽນກ໊ວກຢຸງ ຮອງລັດຖະມົນຕີ, ຫົວໜ້າ SOM ອາຊຽນ ຫວຽດນາມ, ໄດ້ເຂົ້າຮ່ວມການເຈລະຈາໃນຖານະເປັນປະທານອາຊຽນ 2020.
ກ່າວຄຳເຫັນທີ່ການເຈລະຈາ, ທ່ານຫງວຽນກ໊ວກຢຸງເນັ້ນໜັກວ່າ : ດ້ວຍຫົວຂໍ້ອາຊຽນ 2020 ແມ່ນ ສະໜິດຕິດພັນ ແລະ ເປັນເຈົ້າການຮັບມື, ຫວຽດນາມໄດ້ເປັນເຈົ້າການ ແລະ ຊຸກຍູ້ບັນດາຄວາມມານະພະຍາຍາມລວມຂອງ ອາຊຽນໃນການຮັບມືກັບບັນດາຜົນກະທົບຈາກໂລກລະບາດ Covid – 19 ໂດຍໄວ.
ທ່ານ ຫງວຽນກ໊ວກຢຸງ ໄດ້ສະເໜີບາງການກຳນົດທິດເພື່ອແນໃສ່ປະຕິບັດວິວັດການໜູນຊ່ວຍກັນໄລຍະ 2020 – 2025 ຢ່າງມີປະສິດທິຜົນ, ໃນນັ້ນມີເລື່ອງຖືມະນຸດເປັນໃຈກາງໃນວິວັດການວາງແຜນນະໂຍບາຍ ກໍ່ຄືການຜັນຂະຫຍາຍບັນດາໂຄງການຕ່າງໆ.
ໃນບົດບາດເປັນປະທານອາຊຽນ 2020 ແລະ ກຳມະການບໍ່ປະຈຳການຂອງສະພາຄວາມໝັ້ນຄົງ ສປຊ, ຫວຽດນາມຈະສືບຕໍ່ຊຸກຍູ້ການຮ່ວມມືພັດທະນາແບບຍືນຍົງ ໃຫ້ເໝາະສົມກັບເປົ້າໝາຍກໍ່ສ້າງອາຊຽນໃຫ້ມີຄວາມສະໜິດຕິດພັນ ແລະ ເປັນເຈົ້າການ ຮັບມື, ມຸ່ງໄປເຖິງການຫັນວິໄສທັດ ອາຊຽນ2025ໃຫ້ປະກົດຜົນເປັນຈິງ.