(vovworld) – ວັນທີ 7/7, ຫົວໜ້າກົມ ອາຊຽນ ສັງກັດກະຊວງການຕ່າງປະເທດໄທ ທ່ານ ອັດທະຍຸດ ສີສະໝຸດໃຫ້ຮູ້ວ່າ: ອາຊຽນ ຈະ ຢັ່ງຫາງສຽງກ່ຽວກັບແນວຄວາມຄິດ ໃນການນຳຈີນ, ຍີ່ປຸ່ນ ແລະ ສ ເກົາຫຼີ ເຂົ້າລາຍການເຊື່ອມຕໍ່ພາກພື້ນ ເມື່ອບັນດາລັດຖະມົນຕີການຕ່າງປະເທດ ອາຊຽນ ໂຮມປະຊຸມໃນອາທິດໜ້າ ຢູ່ນະຄອນຫຼວງ ພະນົມເປັນຂອງ ກຳປູເຈຍ. ທ່ານ ອັດທະຍຸດ ໃຫ້ຮູ້ວ່າ: ອາຊຽນໄດ້ຜັນຂະຫຍາຍແຜນການເຊື່ອມຕໍ່ສັງລວມ ເພື່ອແນໃສ່ເພີ່ມທະວີການເຊື່ອມໂຍງ. ປະຈຸບັນ, ຈີນ, ຍີ່ປຸ່ນ, ສ ເກົາຫຼີ ພວມເຊື່ອມຕໍ່ກັບ ອາຊຽນ ໂດຍຜ່ານຫຼາຍກົນໄກຮ່ວມມືໃນຂົງເຂດ ອາຊຽນ + 3.
ຄາດວ່າ, ບັນດາລັດຖະມົນຕີການຕ່າງປະເທດ ອາຊຽນ ຈະຍົກອອກໂຄງການ “ຮ່ວມມືເຊື່ອມຕໍ່ອາຊຽນ+3” ເພື່ອໃຫ້ບັນດາການນຳ ອາຊຽນ ແລະ 3 ປະເທດຄູ່ຮ່ວມມື ພິຈາລະນາເຫັນດີເປັນເອກະພາບ ຢູ່ກອງປະຊຸມຂັ້ນສູງ ອາຊຽນ ໃນທ້າຍປີນີ້. ຄາດໝາຍຂອງໂຄງການເຊື່ອມຕໍ່ ອາຊຽນ ແມ່ນເພື່ອແນໃສ່ພັດທະນາພື້ນຖານໂຄງລ່າງ ເພື່ອເຊື່ອມຕໍ່ບັນດາປະເທດ ແລະ ເພີ່ມທະວີສາຍພົວພັນລະຫວ່າງປະຊາຊົນໃນພາກພື້ນ.