(vovworld) - ວັນທີ 19/11, ຢູ່ພະນົມເປັນ, ປະເທດກຳປູເຈຍ, ການນຳລັດ, ລັດຖະບານບັນດາປະເທດສະມາຊິກອາຊຽນ ແລະ ສາທາລະນະລັດປະຊາຊົນຈີນ ພ້ອມກັນສະເຫຼີມສະຫຼອງ 10 ປີແຫ່ງວັນເຊັນຖະແຫຼງການຮ່ວມກ່ຽວກັບຂໍ້ກຳນົດການປະພຶດຂອງຝ່າຍຕ່າງໆຢູ່ທະເລຕາເວັນອອກ (DOC). ກອງປະຊຸມໄດ້ອອກຖະແຫຼງການຮ່ວມ ໂດຍຢືນຢັນຄວາມເຫັນດີສືບຕໍ່ປະຕິບັດເນື້ອໃນຈິດໃຈ ແລະ ບັນດາຫຼັກການຂອງ DOC ເພື່ອແນໃສ່ປະກອບສ່ວນຊຸກຍູ້ສັນຕິພາບ, ມິດຕະພາບ, ຄວາມເຊື່ອໝັ້ນຄວາມໄວ້ເນື້ອເຊື່ອໃຈເຊິ່ງກັນ ແລະ ກັນ ແລະ ການຮ່ວມມືລະຫວ່າງບັນດາປະເທດສະມາຊິກອາຊຽນ - ຈີນ. ບັນດາການນຳອາຊຽນ ແລະ ຈີນ ຢືນຢັນຈະສືບຕໍ່ປະຕິບັດ DOC ຢ່າງຄົບຖ້ວນ ແລະ ມີປະສິດທິຜົນ; ສືບຕໍ່ເພີ່ມທະວີຄວາມໝັ້ນຄົງທາງທະເລ; ສົ່ງເສີມບັນດາຝ່າຍທີ່ກ່ຽວຂ້ອງແກ້ໄຂການພິດພາດອະທິປະໄຕດ້ວຍສັນຕິວິທີ, ບໍ່ນຳໃຊ້ ຫຼື ນາບຂູ່ຈະນຳໃຊ້ກຳລັງອາວຸດ, ບົນພື້ນຖານບັນດາຫຼັກການຂອງກົດໝາຍສາກົນ, ເຊິ່ງລວມມີສົນທິສັນຍາກົດໝາຍວ່າດ້ວຍທະເລປີ 1982 (UNCLOS).