(ພາບປະກອບ: AFP/TTXVN)

        ຫວ່າງມໍ່ໆມານີ້, ວາລະສານ Eurasia Review, ອາເມລິກາ ໄດ້ລົງບົດຂຽນໃຫ້ຂໍ້ສັງເກດວ່າ, ໃນຂະນະທີ່ຢູ່ຫຼາຍແຫ່ງໃນໂລກ ພວມຢືນຢູ່ຕໍ່ໜ້າສະພາບຊຸດໂຊມນັ້ນ, ອາຊຽນ ໄດ້ ແລະ ພວມໃນທ່າຟື້ນຟູເສດຖະກິດໃນເຄິ່ງຕົ້ນປີ 2022. ບົດຂຽນໄດ້ຄັດສະເໜີຕົວເລກຂອງທະນາຄານໂລກ (WB) ໂດຍຄາດຄະເນວ່າ ຍອດຜະລິດຕະພັນພາຍໃນ (GDP) ຂອງ ຫວຽດນາມ, ຟີລິບປິນ ແລະ ມາເລເຊຍ ຈະເພີ່ມຂຶ້ນ 6%, ໃນຂະນະທີ່ການເຕີບໂຕຂອງ ອິນໂດເນເຊຍ ແລະ ກຳປູເຈຍ ຄາດວ່າເພີ່ມຂຶ້ນ 5%. ສິງກະໂປ, ໄທ, ລາວ ແລະ ມຽນມາ ລ້ວນແຕ່ໄດ້ຫວັງວ່າ ຈະບັນລຸການເຕີບໂຕປະມານ 3%. ຜູ້ຂຽນໃຫ້ຂໍ້ສັງເກດວ່າ, ການຄ້າ ແລະ ການລົງທຶນພາຍໃນກຸ່ມໄດ້ເພີ່ມຂຶ້ນຢ່າງແຮງ. ນີ້ແມ່ນປັດໃຈຕົ້ນຕໍເພື່ອປົກປ້ອງ ອາຊຽນ ໄດ້ສ່ວນໃດສ່ວນໜຶ່ງ ຕໍ່ໜ້າສະພາບຊຸດໂຊມເສດຖະກິດທົ່ວໂລກ. ນັກໄຈ້ແຍກດ້ານເສດຖະກິດສ່ວນຫຼາຍລ້ວນແຕ່ເຊື່ອໝັ້ນວ່າ ອາຊຽນ ຍັງພັດທະນາເປັນຢ່າງດີພໍສົມຄວນໃນປີຕໍ່ໄປ.