ອາຊຽນແລະສປຊສືບຕໍ່ຊຸກຍູ້ຄູ່ຮ່ວມມືຮອບດ້ານ
(ພາບປະກອບ)
(vovworld) – ວັນທີ 30/09, ອາຊຽນ ແລະ ສະຫະປະຊາຊາດ ໄດ້ຢືນຢັນຄືນໃໝ່ການພົວພັນຄູ່ຮ່ວມມື ມຸ່ງໄປເຖິງເລື່ອງສ້າງຕັ້ງປະຊາຄົມອາຊຽນ ແລະ ໂຄງການດຳເນີນງານພັດທະນາແບບຍືນຍົງ 2030. ຄຳໝັ້ນສັນຍານີ້ໄດ້ຍົກອອກມາທີ່ກອງປະຊຸມລັດຖະມົນຕີການຕ່າງປະເທດອາຊຽນ - ສະຫະປະຊາຊາດ ເຊິ່ງຈັດຕັ້ງຢູ່ສຳນັກງານສະຫະປະຊາຊາດທີ່ນິວຢອກ, ປະເທດອາເມລິກາ. 2 ຝ່າຍເຫັນດີເພີ່ມຄວາມມານະພະຍາຍາມທົບ 2 ເທົ່າ ເພື່ອຍົກສູງປະສິດທິຜົນການຮ່ວມມືອາຊຽນ - ສະຫະປະຊາຊາດ ໂດຍຜ່ານການສຳພັດສົມທົບກັນຫຼາຍກວ່າ, ແຜນການຍຸດທະສາດ ແລະ ໄລຍະຍາວ, ພ້ອມກັບບັນດາແຫຼ່ງອຸປະຖຳຢ່າງໝັ້ນຄົງ; ເພີ່ມທະວີການຮ່ວມມືໃນແຕ່ລະເສົ້າຄ້ຳຂອງການພົວພັນຄູ່ຮ່ວມມືຮອບດ້ານອາຊຽນ - ສະຫະປະຊາຊາດຢ່າງລະອຽດ. ກອງປະຊຸມກໍໄດ້ແລກປ່ຽນທັດສະນະກ່ຽວກັບບັນດາບັນຫາຂອງພາກພື້ນ ແລະ ສາກົນທີ່ຕ່າງຝ່າຍຕ່າງມີຄວາມສົນໃຈ ຄື: ຮັກສາສັນຕິພາບ ແລະ ສະກັດກັ້ນການປະທະກັນ, ຕ້ານລັດທິກໍ່ການຮ້າຍສາກົນ ແລະ ສະກັດກັ້ນລັດທິຫົວຮຸນແຮງ, ແກ້ໄຂບັນຫາອາດຊະຍາກຳຂ້າມຊາດ ແບະ ການອົບພະຍົບ… ກອງປະຊຸມກໍເນັ້ນໜັກເຖິງຄວາມສຳຄັນຂອງການແກ້ໄຂບັນດາການຂັດແຍ້ງກັນໂດຍສັນຕິວິທີ, ລວມທັງຢູ່ທະເລຕາເວັນອອກ, ຜ່ານການເຈລະຈາ ແລະ ເໝາະສົມກັບກົດໝາຍສາກົນ.