ອາທິດເຮັດວຽກທີ 4, ກອງປະຊຸມສະໄໝສາມັນເທື່ອທີ 7, ສະພາແຫ່ງຊາດຊຸດທີ XV: ສຸມໃສ່ວຽກງານນິຕິບັນຍັດ ດ້ວຍຮ່າງກົດໝາຍສຳຄັນຫຼາຍສະບັບ
(VOVWORLD) - ໃນອາທິດເຮັດວຽກທີ 4 ແຕ່ວັນທີ 17 – 21 ມິຖຸນາ ຂອງກອງປະຊຸມສະໄໝສາມັນເທື່ອທີ 7, ສະພາແຫ່ງຊາດ ຫວຽດນາມ ຊຸດທີ XV, ບັນດາສະມາຊິກສະພາແຫ່ງຊາດ ໄດ້ສຸມໃສ່ວຽກງານນິຕິບັນຍັດ ດ້ວຍຮ່າງກົດໝາຍສຳຄັນຫຼາຍສະບັບ.
 ກອງປະຊຸມສະໄໝສາມັນເທື່ອທີ 7 ສະພາແຫ່ງຊາດ ຫວຽດນາມ ຊຸດທີ XV (ພາບ: TTXVN) |
ລະອຽດ, ສະພາແຫ່ງຊາດປຶກສາຫາລືກ່ຽວກັບຮ່າງກົດໝາຍຫຼາຍສະບັບ, ເຊິ່ງລວມມີ: ຮ່າງກົດໝາຍວ່າດ້ວຍການທະບຽນສານ (ສະບັບປັບປຸງ); ກົດໝາຍວ່າດ້ວຍອາກອນມູນຄ່າເພີ່ມ (ສະບັບປັບປຸງ); ກົດໝາຍວ່າດ້ວຍກຳມະບານ (ສະບັບປັບປຸງ); ກົດໝາຍວ່າດ້ວຍການປັບປຸງ, ເພີ່ມເຕີມບາງມາດຕາຂອງກົດໝາຍວ່າດ້ວຍການຢາ; ກົດໝາຍວ່າດ້ວຍມໍລະດົກວັດທະນະທຳ (ສະບັບປັບປຸງ); ກົດໝາຍວ່າດ້ວຍທໍລະນີ ແລະ ແຮ່ທາດ; ກົດໝາຍວ່າດ້ວຍການວາງແຜນຜັງຕົວເມືອງ ແລະ ຊົນນະບົດ; ກົດໝາຍວ່າດ້ວຍການປ້ອງກັນ, ຕ້ານອັກຄີໄພ ແລະ ກູ້ໄພກູ້ຊີບ; ກົດໝາຍວ່າດ້ວຍການກຳລັງປ້ອງກັນອາກາດປະຊາຊົນ; ກົດໝາຍວ່າດ້ວຍຍຸຕິທຳ ສຳລັບຜູ້ບໍ່ເຖິງກະສຽນອາຍຸ; ກົດໝາຍວ່າດ້ວຍການປ້ອງກັນ, ຕ້ານການຄ້າມະນຸດ (ສະບັບປັບປຸງ).
ສະພາແຫ່ງຊາດກໍລົງຄະແນນສຽງຮັບຮອງເອົາຮ່າງກົດໝາຍວ່າດ້ວຍການຮັກສາສຳເນົາ (ສະບັບປັບປຸງ) ແລະ ມະຕິວ່າດ້ວຍການສ້າງຕັ້ງຄະນະຕິດຕາມກວດກາຕາມຫົວເລື່ອງສະເພາະຂອງສະພາແຫ່ງຊາດ ປີ 2025.