ອານເຊຣີປະກາດຈຳນວນຊາວ ຕ່າງປະເທດເສຍຊີວິດໃນເຫດ ລອບຈັບຕົວປະກັນ
(ພາບ: qdnd.vn)
(vovworld)- ວັນທີ 21/1, ທ່ານນາຍົກລັດຖະມົນຕີອານເຊຣີ Abdelmalek Sellal ໄດ້ະກາດຢ່າງເປັນທາງການວ່າມີຕົວປະກັນທັງໝົດ 38 ຄົນ, ໃນນັ້ນມີຊາວຕ່າງປະເທດ 37 ຄົນ ແລະ ຊາວອາເຊຣີ 1 ຄົນຖືກເສຍຊີວິດໃນເຫດການລອບຈັບຕົວປະກັນທີ່ແກ່ຍາວເປັນເວລາ 4 ວັນ (ຄືແຕ່ວັນທີ 16/1) ຢູ່ໜ່ວຍປະສົມຂຸດຄົ້ນອາຍແກັດ In Amenas ທາງພາກໃຕ້ປະເທດນີ້. ກ່າວຄຳເຫັນກັບວົງການນັກຂ່າວທີ່ນະຄອນຫຼວງ Algers, ທ່ານນາຍົກລັດຖະມົນຕີອານເຊຣີ Abdelmalek Sellal ໃຫ້ຮູ້ວ່າ: ປະຈຸບັນຍັງມີຊາວຕ່າງປະເທດ 5 ຄົນຖືກຫາຍສາບສູນ. ທ່ານຍັງແຈ້ງໃຫ້ຊາບວ່າ: ມືປືນ 32 ຄົນທີ່ໄດ້ຈັບຕົວປະກັນລ້ວນແຕ່ແຊກຊືມເຂົ້າອານເຊຣີ ຈາກປະເທດບ້ານໃກ້ເຮືອນຄຽງມາລີ ຊື່ງໃນນັ້ນມີຊາວອານເຊຣີ 3 ຄົນ ແລະ ສ່ວນຍັງເຫຼືອແມ່ນຊາວຕ່າງປະເທດ. ກຳລັງປະຕິບັດໜ້າທີ່ພິເສດອານເຊຣີ ໄດ້ຈັບຕົວຜູ້ທີ່ໄດ້ຈັບຕົວປະກັນ 3 ຄົນ ແລະ ດັບສູນ 29 ຄົນ, ໃນນັ້ນມີຫົວໂປ່ Mohamed el-Amine Bencheneb, ມືປືນຊາວອານເຊຣີ. ໃນຈຳນວນຕົວປະກັນຖືກເສຍຊີວິດມີຊາວຝະລັ່ງ 1 ຄົນ, ຊາວອາເມລິກາ 1 ຄົນ, ຊາວຣູມານີ 2 ຄົນ, ຊາວອັງກິດ 3 ຄົນ, ຊາວຟີລິບປິນ 6 ຄົນ ແລະ ຊາວຍີ່ປຸ່ນ 7 ຄົນ.