(vovworld) –​ ​​ວັນ​ທີ 06/03, ທ່ານ​ປະ​ທາ​ນາ​ທິ​ບໍ​ດີ​ອາບ​ກາ​ນິດ​ສະ​ຖານ Ashraf Ghani ໄດ້​ຖະ​ແຫຼງວ່າ, ກຸ່ມ​ກໍ່​ການ​ຮ້າຍ​ລັດ​ອິດ​ສະ​ລາມ (IS) ອ້າ​ງ​ຊື່​ເອງ ​ຖືກຕີ​ປະ​ລາ​ໄຊ​ຢູ່​ທິດ​ຕາ​ເວັນ​ອອກ​ຂອງ​ປະ​ເທດນ​ີ້, ເຊິ່ງ​ແມ່ນບາງ​ເມືອງ​ຢ​ູ່​ຫ່າງ​ໄກ​ສອ​ກ​ຫຼິກທີ່ IS ພວມ​ຢືດ​ຄອງ. ກ່າວ​ຄຳ​ເຫັນ​ໄຂ​ກອງ​ປະ​ຊຸມ​ສະ​ພາ​ແຫ່ງ​ຊາດ ອາບ​ກາ​ນິດ​ສະ​ຖານ, ທ່ານ​ປະ​ທາ​ນາ​ທິ​ບໍ​ດີ Ashraf Ghani ໃຫ້​ຮູ້​ວ່າ, ບັນ​ດາ​ກຳ​ລັງ ອາບ​ກາ​ນິດ​ສະ​ຖານ ໄດ້​ຕີ​​ພາກ​ສ່ວນ​ຈົ່ງ​ຮັກ​ພັກ​ດີ​ກັບ IS ​ໃຫ້ອອກ​ຈາກ​ບັນ​ດາ​ເຂດ​ຂຶ້ນ​ກັບ​ແຂວງ Nangarhar, ຕິດ​ກັບ​ປາ​ກິດ​ສະ​ຖານ. ທ່ານ​​ຖະ​ແຫຼງວ່າ ອາບ​ກາ​ນິດ​ສະ​ຖານ ຈະ​ແມ່ນ “ຂຸມ​ຝັງ​ສົບ” IS. ບັນ​ດາ​ກຳ​ລັງ​ອາບ​ກາ​ນິດ​ສະ​ຖານ ໄດ້​ຢືນຢັນ​​​ໄຊ​ຊະ​ນະ ພາຍ​ຫຼັງ​ບັ້ນ​ກວາດ​ລ້າງ IS ທີ່​ແກ່​ຍາວ​ເປັນ 21 ວັນ​ຢູ່​ບັນ​ດາ​ເມືອງ Achin ແລະ Shinwar, ຂຶ້ນ​ກັບ​ແຂວງ Nangarhar, ພ້ອມ​ທັງ​ໃຫ້​ຮູ້​ວ່າ ໄດ້​ດັບ​ສູນ​ພວກ​ກະ​ບົດ​ຢ່າງ​ນ້ອຍ​ສຸດ 200 ຄົນ.