ອາເມລິກາ ຈັດສົ່ງເຮືອບິນຖິ້ມລະເບີດຍຸດທະສາດ B-52 ໄປຍັງ ຣູມານີ
(VOVWORLD) - ອາເມລິກາ ໄດ້ຈັດສົ່ງເຮືອບິນຖິ້ມລະເບີດຍຸດທະສາດ B-52 ໄປຍັງຖານທີ່ໝັ້ນກອງທັບອາກາດ Mihail Kogalniceanu ຂອງ ຣູມານີ ໃນວັນທີ 22 ກໍລະກົດ.
 ເຮືອບິນຖີ້ມລະເບີດຍຸດທະສາດ B-52 ຂອງ ອາເມລິກາ (ພາບ: TTXVN) |
ເຫດການນີ້ແມ່ນສ້າງຂີດໝາຍເປັນຄັ້ງທຳອິດ ເຮືອບິນຖິ້ມລະເບີດຍຸດທະສາດ B-52 ລົງຈອດຢູ່ ຣູມານີ ເພື່ອຫນູນຊ່ວຍກຳລັງເຮືອບິນຖິ້ມລະເບີດຂອງ ເອີລົບ, ເພີ່ມທະວີກຳລັງແຮງໃຫ້ແກ່ເຂດທາງທິດຕາເວັນອອກຂອງ NATO. ນາຍພົນ James Hecker ຜູ້ບັນຊາການກຳລັງກອງທັບອາກາດ ອາເມລິກາ ຢູ່ ເອີລົບ ແລະ ກຳລັງກອງທັບອາກາດ ອາເມລິກາ ຢູ່ ອາຟິຼກາ (USAFE-AFAFRICA), ກໍ່ໄດ້ຢ້ຳຄືນຄຳໝັ້ນສັນຍາຂອງ ວໍຊິງຕັນ ໃນການຮ່ວມມືກັບ ຄູ່ຮ່ວມມື NATO ຢູ່ ເຂດທາງທິດຕາເວັນອອກ. ເຈົ້າຫນ້າທີ່ທ່ານນີ້ໄດ້ເນັ້ນຫນັກເຖິງຄວາມສຳຄັນຂອງການຍົກສູງກຳລັງຄວາມສາມາດ ແລະ ການສົມທົບເພື່ອຮັກສາຄວາມປອດໄພ, ຄວາມໝັ້ນຄົງ ແລະ ສະຖຽນລະພາບຢູ່ ພາກພື້ນ.