ວັນທີ 24 ເມສາ, ທ່ານ Jason Greenblatt ທູດພິເສດຕາເວັນອອກກາງຂອງທ່ານປະທານາທິບໍດີ ອາເມລິກາ Donald Trump ໄດ້ລົງຂ່າວໃນສື່ສັງຄົມອອນລາຍ Twitter ຂອງຕົນ ໂດຍປະຕິເສດບັນດາຂ່າວຄາວທີ່ຖືວ່າ ແຜນການສ້າງສັນຕິພາບຢູ່ ຕາເວັນອອກກາງ ຂອງ ອາເມລິກາ ລວມທັງການສ້າງຕັ້ງສະຫະລັດ ປາແລັດສະຕິນ - ຈໍແດນ. ທ່ານຂຽນວ່າ “ພະມະຫາກະສັດ ຈໍແດນ Abdullah II ແມ່ນພັນທະມິດທີ່ໝັ້ນແກ່ນຂອງ ອາເມລິກາ. ບັນດາຂ່າວລືທີ່ກ່ຽວຂ້ອງເຖິງແຜນການສ້າງສັນຕິພາບ ລວມທັງການສ້າງຕັ້ງສະຫະລັດລວມມີ ຈໍແດນ, ອິດສະຣາແອັນ ແລະ ອໍານາດການປົກຄອງ ປາແລັດສະຕິນ ຫຼື ກ່ຽວກັບການຫັນ ຈໍແດນ ເປັນບ້ານເກີດເມືອງນອນຂອງ ຊາວ ປາແລັດສະຕິນ ນັ້ນ ແມ່ນບໍ່ຖືກຕ້ອງ”.