ອາເມລິກາ ຢັ້ງຢືນຄືນໃໝ່ ຈະຮັກສາຄໍາໝັ້ນສັນຍາສ້າງແຫຼມ ເກົາຫຼີ ປອດນິວເຄຼຍ
(VOVWORLD) -ວັນທີ 30 ເມສາ, ທ່ານລັດຖະມົນຕີການຕ່າງປະເທດ ອາເມລິກາ Mike Pompeo ຢັ້ງຢືນວ່າ ວໍຊີງຕັນ ຍາມໃດກໍຮັກສາຄໍາໝັ້ນສັນຍາສ້າງແຫຼມເກົາຫຼີ ປອດນິວເຄຼຍ.
 ທ່ານລັດຖະມົນຕີການຕ່າງປະເທດ ອາເມລິກາ Mike Pompeo (ພາບ: TTXVN) |
ເມື່ອຕອບສໍາພາດໃນລາຍການກະຈາຍສຽງ “The Scott Sands Show”, ລັດຖະມົນຕີການຕ່າງປະເທດ ອາເມລິກາ ເນັ້ນໜັກວ່າ ອາເມລິກາ ຍັງຄົງສືບຕໍ່ຕິດຕາມສະພາບການຢູ່ ສປປ.ເກົາຫຼີ ຢ່າງແໜ້ນແຟ້ນ ແລະ ພວມມານະພະຍາຍາມເພື່ອຮັບປະກັນວ່າ ກຽມພ້ອມຮັບມືກັບທຸກກໍລະນີທີ່ເກີດຂຶ້ນ. ທ່ານ Mike Pompeo ຢັ້ງຢືນຄືນໃໝ່ວ່າ ທ່ານປະທານາທິບໍດີ ອາເມລິກາ Donald Trump ໄດ້ປະກາດຢ່າງຈະແຈ້ງວ່າ ອາເມລິກາ ມີພາລະກໍາພຽງຢ່າງດຽວວ່າ ປະຕິບັດບັນດາມາດຕາຂອງຂໍ້ຕົກລົງຢູ່ ສິງກະໂປ ເພື່ອແນໃສ່ສ້າງແຫຼມເກົາຫຼີ ປອດນິວເຄຼຍ.