ການພົບປະລະຫວ່າງ ທ່ານ Antony Blinken (ອາເມລິກາ) ແລະ  ທ່ານ  ຢາງເຈຍສື (ຈີນ) ເມື່ອປີ 2015 (ພາບ: AFP/TTXVN)

ຄາດວ່າ, ທ່ານລັດຖະມົນຕີການຕ່າງປະເທດ ອາເມລິກາ Antony Blinken ແລະ ທີ່ປຶກສາຄວາມໝັ້ນຄົງແຫ່ງຊາດ ອາເມລິກາ Jake Sullivan  ຈະມີການໂອ້ລົມສົນທະນາກັບ ທ່ານລັດຖະມົນຕີການຕ່າງປະເທດ ຈີນ ຫວາງອີ໊ ແລະ ກຳມະການກົມການເມືອງ, ຫົວໜ້າຫ້ອງວ່າການ ຄະນະກຳມະການວຽກງານພົວພັນຕ່າງປະເທດ ສູນກາງພັກກອມມູນິດ ຈີນ ຢາງເຈຍສື ຢູ່ນະຄອນ Anchorage ຂອງ ລັດ  Alaska ໃນວັນທີ 18 ມີນາ. ບັນດາການໂອ້ລົມສົນທະນາດັ່ງກ່າວ ຈະຖືກດຳເນີນພາຍຫຼັງການຢ້ຽມຢາມ ສ.ເກົາຫຼີ ແລະ ຍີ່ປຸ່ນ ຂອງທ່ານລັດຖະມົນຕີການຕ່າງປະເທດ ອາເມລິກາ Antony Blinken ແລະ ທ່ານລັດຖະມົນຕີກະຊວງປ້ອງກັນປະເທດ ອາເມລິກາ Lloyd Austin ແລະ ການຢ້ຽມຢາມ ອິນເດຍ ຂອງທ່ານ Lloyd Austin. ໄປຄຽງຄູ່ກັນນັ້ນ, ທ່ານປະທານາທິບໍດີ Joe Biden ກໍ່ຄາດວ່າ ຈະເຂົ້າຮ່ວມກອງປະຊຸມອອນລາຍ ກັບທ່ານນາຍົກລັດຖະມົນຕີ ອົດສະຕາລີ, ອິນເດຍ ແລະ ຍີ່ປຸ່ນ.