ທ່ານເລຂາດ້ານການຂ່າວ ທຳນຽບຂາວ Karine Jean-Pierre (ພາບ: AP)

ວັນທີ 31 ຕຸລາ, ທຳນຽບຂາວໄດ້ຢັ້ງຢືນວ່າ ທ່ານປະທານາທິບໍດີ ອາເມລິກາ Joe Biden  ຄາດວ່າຈະພົບປະກັບທ່ານປະທານປະເທດ ຈີນ ສີຈີນຜິງ ຢູ່ນອກກອງປະຊຸມສຸດຍອດ ເວທີປາໄສຮ່ວມມືເສດຖະກິດ ອາຊີ - ປາຊີຟິກ (APEC) ຢູ່ San Francisco ໃນເດືອນພະຈິກ. ນີ້ຈະແມ່ນການເຈລະຈາທີ່ມີ “ລັກສະນະສ້າງສັນ”.

        ຖະແຫຼງການໄດ້ຍົກອອກມາ ພາຍຫຼັງທີ່ ທ່ານລັດຖະມົນຕີການຕ່າງປະເທດ ຈີນ ຫວາງອີ ມີການຢ້ຽມຢາມ ອາເມລິກາ ເປັນເວລາ 2, 3 ວັນ. ເຖິງຢ່າງໃດກໍຕາມ, ປັດຈຸບັນ, ປັກກິ່ງ ຍັງບໍ່ທັນຢັ້ງຢືນວ່າ ທ່ານປະທານປະເທດ ຈີນ ຈະເຂົ້າຮ່ວມເຫດການດັ່ງກ່າວຫຼືບໍ່.

ນັກຂ່າວ VOV ປະຈຳ ອາເມລິກາ