ປະຊາຊົນຢູ່ເຂດ ກາຊາ ຂາດແຄນສະບຽງອາຫານ (ພາບ: THX/TTXVN)

ທ່ານປະທານາທິບໍດີ ອາເມລິກາ Joe Biden, ທ່ານນາຍົກລັດຖະມົນຕີ ເຢຍລະມັນ Olaf Scholz, ທ່ານປະທານາທິບໍດີ ຝລັ່ງ Emmanuel Macron ແລະ ທ່ານນາຍົກລັດຖະມົນຕີ ອັງກິດ Keir Starmer, ວັນທີ 18 ຕຸລາ ເນັ້ນໜັກເຖິງ “ຄວາມຮີບດ່ວນ ແລະ ຈຳເປັນ” ຕ້ອງຢຸດຕິສົງຄາມແກ່ຍາວກວ່າ 1 ປີຢູ່ເຂດ ກາຊາ ລະຫວ່າງ ອິດສະຣາແອັນ ແລະ ຂະບວນການ ຮາມາດສ. ໃນຖະແຫຼງການຮ່ວມ,  ການນຳ 4 ທ່ານຢັ້ງຢືນຕົກລົງເຫັນດີຕໍ່ເລື່ອງ “ຕ້ອງນຳບັນດາຕົວປະກັນກັບຄືນສູ່ຄອບຄົວ, ຢຸດຕິສົງຄາມຢູ່ເຂດ ກາຊາ ແລະ ຮັບປະກັນການຊ່ວຍເຫຼືອມະນຸດສະທຳໃຫ້ແກ່ສາມັນຊົນ”.

        ໃນກອງປະຊຸມຢູ່ນະຄອນຫຼວງ Berlin ຂອງ ເຢຍລະມັນ, ການນຳບັນດາປະເທດ ອາເມລິກາ, ເຢຍລະມັນ, ຝລັ່ງ ແລະ ອັງກິດ ປຶກສາຫາລືກ່ຽວກັບສະພາບການຢູ່ຕາເວັນອອກກາງ. 4 ຝ່າຍກໍປຶກສາຫາລືຄຳເຫັນກ່ຽວກັບສະພາບການປະທະກັນຢູ່ ລີບັງ, ບ່ອນທີ່ ອິດສະຣາແອັນ ພວມປະທະກັນກັບຂະບວນການ ເຮັກໂບລາ, ພ້ອມທັງ “ຢັ້ງຢືນຄືນຫຼັກໝັ້ນ” ຕຳນິຕິຕຽນການຊ້ອມຮົບຍິງລູກສອນໄຟຂອງ ອີຣານ ເລັ່ງໃສ່ ອິດສະຣາແອັນ ໃນວັນທີ 1 ຕຸລາ.

ທູຮ່າ, ນັກຂ່າວ VOV ປະຈຳ ສະຫະພັນ ລັດເຊຍ