(vovworld) - ວັນ​ທີ 26/4, ​ໂຄ​ສົກກະຊວງ​ການ​ຕ່າງປະ​ເທດ​​ອາ​ເມ​ລິ​ກາ ທ່ານ​ນາງ Victoria Nuland ​ໄດ້​ຮຽກຮ້ອງ​ໃຫ້ ຊູ​ດານ ​ແລະ ຊູ​ດານ​ໃຕ້​ປະຕິບັດ​ຄຳ​ສັ່ງ​ຢຸດ​ຍິງ​ ດ້ວຍ​ວິທີ​ປະກາດ​ຂໍ​້ຕົກລົງ​ຖອນ​ທະຫານ​ອອກ​ຈາກ​ບັນ​ດາ​ສະຖານ​ທີ​ພວມ​ເກີດ​ການ​ພິພາດ​ກັນ. ທ່ານນາງ Nuland ​ໃຫ້​ຮູ້​ວ່າ: ​ໄດ້​ມີ​ສັນຍານ​ທີ່​ຕັ້ງໜ້າ​ກ່ຽວ​ກັບ​ສະພາບ​ການ​ໃຊ້​ຄວາມ​ຮຸນ​ແຮງ​ອາດ​ຈະ​ຢຸດຕິລົງ ພາຍຫຼັງ 2 ມື້​ທີ່ບໍ່​ເກີດ​ມີການ​ບຸກ​ໂຈມ​ຕີ​ໃດ​ໆຈາກທັງ 2 ຝ່າຍ. ສິ່ງ​ດັ່ງກ່າວ​ໄດ້​ປະຕິບັດ​ຕາມ​ບັນດາ​ຂໍ້​ສະ​ເໜີ​ຂອງ​ສະຫະພາບ ອາບຟຣີກາ ກ່ຽວ​ກັບ​ຄຳ​ສັ່ງ​ຢຸດ​ຍິງ​ໃນ​ທັນທີ, ຖອນ​ທະ​ຫານ​ທັງ​ໝົດ ​ແລະ ຮຽກຮ້ອງ​ໃຫ້ 2 ຝ່າຍ​ກັບ​ຄືນ​ສູ່​ການ​ເຈລະຈາ. ກ່ອນ​ໜ້າ​ນັ້ນ, ວັນ​ທີ 24/4, ສະຫະພາບ ອາບຟຣີກາ ​ໄດ້​ກຳນົດ​ເວລາ​ແມ່ນ 90 ວັນ​ໃຫ້​ແກ່ 2 ປະ​ເທດ​ແກ້​ໄຂ​ບັນດາ​ການ​ພິພາດກັນ​ກ່ຽວ​ກັບ​ຊາຍ​ແດນ, ສິດ​ພົນລະ​ເມືອງ ​ແລະ ນ້ຳມັນ​ອາຍ​ແກ​ດ, ຫຼື​ວ່າ​ຈະ​ຕ້ອງ​ປະ​ເຊີນ​ໜ້າ​ກັບ​ການ​ຕັດສິນ​ຂອງ​ສາກົນ. ​ໃນ​ອາທິດນີ້, ສະພາ​ຄວາມ​ໝັ້ນຄົງ​ສະຫະ​ປະຊາ​ຊາດ ​ໄດ້​ຮຽກຮ້ອງ​​ໃຫ້ຢຸດຕິ​ບັນດາ​ບັ້ນ​ຮົບ​ລະຫວ່າງ ຊູ​ດານ ​ແລະ ຊູ​ດານ​ໃຕ້​ໃນ​ທັນທີ.