ທ່ານລັດຖະມົນຕີການຕ່າງປະເທດ ອາເມລິກາ Antony Blinken (ພາບ: CNN)

ອາເມລິກາ ຈະສະໜອງເງິນ 580 ລ້ານ USD ເພື່ອໜູນຊ່ວຍເພີ່ມເຕີມໃຫ້ 7 ອົງການຈັດຕັ້ງສາກົນ ເພື່ອແນໃສ່ສະກັດກັ້ນໂລກລະບາດໂຄວິດ-19 ໃນສະພາບບັນດາກໍລະນີຕິດເຊື້ອໄວຣັດກາຍພັນ Omicron ຂອງ ໄວຣັດ SARS-CoV-2 ພວມເພີ່ມທະວີຂຶ້ນ. ດ້ວຍບ້ວງເງິນເພີ່ມເຕີມໃນຄັ້ງນີ້ເຊິ່ງ ອາເມລິກາ ສະຫງວນໃຫ້ບັນດາອົງການຈັດຕັ້ງສາກົນເພື່ອແນໃສ່ສະກັດກັ້ນໂລກລະບາດໂຄວິດ-19 ແມ່ນ 19,6 ຕື້ USD.

        ທ່ານລັດຖະມົນຕີການຕ່າງປະເທດ ອາເມລິກາ Antony Blinken ເນັ້ນໜັກວ່າ, ນອກຈາກເລື່ອງມອບວັກຊິນຈຳນວນ 330 ລ້ານໂດສ ໃຫ້ບັນດາປະເທດໃນໂລກແລ້ວ, ບ້ວງເງິນເພີ່ມເຕີມ 580 ລ້ານ USD ຍັງໄດ້ຮັບຖືວ່າແມ່ນການປະກອບສ່ວນສຳຄັນເພື່ອນຳວັກຊິນໄປສັກໃຫ້ປະຊາຊົນ, ເພີ່ມທະວີກຳລັງຄວາມສາມາດດ້ານການແພດຊຸມຊົນ ແລະ ໜູນຊ່ວຍປະຊາຄົມທີ່ພວມຕ້ອງການຄວາມຊ່ວຍເຫຼືອ…

        ກ່ຽວກັບສະພາບການໂລກລະບາດໂຄວິດ-19 ຢູ່ໃນໂລກ. ຕາມເວັບໄຊສະຖິຕິ worldmeter.info ແລ້ວ, ໄລ່ຮອດຕອນເຊົ້າວັນທີ 22 ທັນວາ, ທົ່ວໂລກມີຜູ້ຕິດເຊື້ອພະຍາດໂຄວິດ-19 ກວ່າ 276,5 ລ້ານຄົນ, ໃນນັ້ນມີຜູ້ເສຍຊີວິດກວ່າ 5,38 ລ້ານຄົນ. ຈຳນວນຜູ້ຕິດເຊື້ອພະຍາດໃໝ່ໃນຮອບເວລາ 24 ຊົ່ວໂມງຜ່ານມາແມ່ນກວ່າ 700.000 ຄົນ ແລະ ມີຜູ້ເສຍຊີວິດໃໝ່ເກືອບ 6.700 ຄົນ.

        ອາເມລິກາ ຍັງແມ່ນປະເທດໄດ້ຮັບຜົນສະທ້ອນຢ່າງໜັກໜ່ວງທີ່ສຸດໃນໂລກ, ຖັດຈາກນັ້ນແມ່ນ ອິນເດຍ, ບຣາຊິນ.

        ໃນບົດລາຍງານຫຼ້າສຸດຂອງອົງການອະນາໄມໂລກ (WHO) ໃຫ້ຮູ້ວ່າ, ໄວຣັດສາຍພັນໃໝ່ Omicron ໄດ້ແຜ່ລະບາດຢູ່ 106 ປະເທດໃນໂລກແລ້ວ, ດ້ວຍຈຳນວນຜູ້ຕິດເຊື້ອເພີ່ມຂຶ້ນຢ່າງໄວ.