(vovworld) – ວັນ​ທີ 26/09, ທ່ານ​ລັດຖະມົນຕີ​ການ​ຕ່າ​ງປະ​ເທດ​ອາ​ເມ​ລິ​ກາ John Kerry ​ໄດ້​ດຳ​ເນີນ​ການ​ເຈລະຈາ​ຄັ້ງ​ທີ 2 ຢ່າ​ງລ້ຽນ​ຕິດ ກັບ​ຄູ່​ຕຳ​​ແໜ່​ງອີຣານ ທ່ານ Javad Zarif, ​ໃນ​ສະພາບ​ຄວາມ​ມານະ​ພະຍາຍາມ​ສາກົນ ​ເພື່ອ​ແນ​ໃສ່​ບັນລຸ​ໄດ້​ຂໍ້​ຕົກລົງ​ກັບ​ອີຣານ ໃກ້​ຈະ​ໝົດ​ເວລາກຳນົດ​ ​ແລະ ວິວັດ​ການ​ເຈລະຈາ​ບໍ່​ທັນ​ບັນລຸ​ໄດ້​ບາດກ້າວ​ທີ່​ຄືບ​ໜ້າ. ທ່ານ Kerry ​ໄດ້​ມີ​ການ​ພົບ​ປະ​ກັບ​ທ່ານ​ລັດຖະມົນຕີ​ການ​ຕ່າງປະ​ເທດ​ອີຣານ ​ແລະ ຜູ້ຕາງ​ໜ້າ​ຂັ້ນ​ສູງຮັບຜິດຊອບ​​ນະ​ໂຍບາຍປ້ອງ​ກັນ​ຄວາມ​ສະຫງົບ ​ແລະ ການ​ຕ່າງປະ​ເທດ​ຂອງ​ສະຫະພາບ​ເອີ​ລົບ (EU) ທ່ານ​ນາງ Catherine Ashton ຢູ່​ນອກ​ກອງ​ປະຊຸມ​ສະພາ​ຄວາມ​ໝັ້ນຄົງ​ສະຫະ​ປະຊາຊາດ, ພວມ​ຈັດ​ຂຶ້ນ​ຢູຸ່ນິວຢອກ. ທ່ານ Kerry ​ໃຫ້​ຮູ້​ວ່າ, ອາ​ເມ​ລິ​ກາ ຫວັງ​ວ່າ ອີຣານ ​ແລະ P5+1 (ຊື່​ງລວມມີ 5 ປະ​ເທດ​ປະຈຳ​ສະພາ​ຄວາມໝັ້ນຄົງ ສປຊ ​ແລະ ​ເຢັຍລະ​ມັນ) ອາດ​ສາມາດ​ບັນລຸ​ໄດ້​ຂໍ້​ຕົກລົງ​ໃນ​ອາທິດ​ໜ້າ.

        ​​ໃນ​ວັນ​ດຽວ​ກັນ, ທ່ານ​ປະທານາທິບໍດີ​ອີຣານ Hassan Rouhani ກໍ່​ໃຫ້​ຂໍ້​ສັງ​ເກ​ດວ່າ ການ​ເຈລະຈາ​ນິວ​ເຄຼຍ ພວມ​ດຳ​ເນີນ​​ໄປຢ່າງ​ຊັກ​ຊ້າ ​ແລະ ຕ້ອງ​ໄດ້ຮັບ​ການ​ຍູ້​ໄວ. ການ​ນຳ​ດັ່ງກ່າວ​ກໍ່​ຢືນຢັນ​ວ່າ ອີຣານ ຈະ​ບໍ່​ປະລະ​ສິດ​​ພັດທະນາ​ບັນດາ​ການ​ເຄື່ອນ​ໄຫວ​ນິວ​ເຄຼຍພົນລະ​ເຮືອນ ​ແລະ ປະຕິ​ເສດ​ບັນດາ​ຂໍ້​ຕົກລົງ​ຕາມ​ຄວາມ​ຮຽກຮ້ອງເຕ​ເຣຣານ ຢຸ​ດຕິ​ການ​ເສີມ​ທາດ ອຸຣານີອູມ.