( vovworld ) - ກະຊວງການຕ່າງປະເທດ ອາເມລິກາ ໃຫ້ຮູ້ວ່າ, ໃນເດືອນ 2/2012, ບັນດາເຈົ້າໜ້າທີ່ຂອງ ອາເມລິກາ ຈະເດີນທາງມາຍັງປະເທດ ຈີນ ເພື່ອຈັດຕັ້ງການເຈລະຈາກັບ ສປປ ເກົາຫຼີ ກ່ຽວກັບບັນຫານິວເຄຼີຍ. ນີ້ແມ່ນການເຈລະຈາທີ່ໄດ້ຮັບການວາງແຜນນັບແຕ່ປີ 2011, ແຕ່ວ່າຖືກຢຸດສະງັກເພາະການນຳ ສປປ ເກົາຫຼີ Kim Jong Il ໄດ້ເຖິງແກ່ມໍລະນະກຳ. ໂຄສົກກະຊວງການຕ່າງປະເທດ ອາເມລິກາ ທ່ານນາງ Victoria Nuland ໃຫ້ຮູ້ວ່າ, ທ່ານ Glyn Davies ທູດພິເສດຂອງ ອາເມລິກາ ກ່ຽວກັບບັນຫາ ສປປ ເກົາຫຼີ ຈະມີການພົບປະກັບທ່ານຮອງລັດຖະມົນຕີການຕ່າງປະເທດຜູ້ທີ່ໜື່ງຂອງ ສປປ ເກົາຫຼີ Kim Kye Gwan ໃນວັນທີ 23/2. ສປປ ເກົາຫຼີ ໄດ້ຖອນອອກການເຈລະຈາເມື່ອປີ 2009. ການພົບປະຢູ່ທີ່ ປັກກິ່ງ ທີ່ຈະມາເຖິງ ຈະແມ່ນການຕິດຕໍ່ເປັນຄັ້ງທຳອິດລະຫວ່າງ ອາເມລິກາ ແລະ ສປປ ເກົາຫຼີ ນັບແຕ່ເມື່ອທ່ານປະທານ Kim Jong Il ໄດ້ເຖິງແກ່ມໍລະນະກຳ ແລະ ມອບສິດອຳນາດໃຫ້ແກ່ລູກຊາຍຄືທ່ານ Kim Jong Un.