ທ່ານ ຫງວຽນວັນບິ່ງ ຫົວໜ້າຄະນະເສດຖະກິດສູນກາງ ຕ້ອນຮັບທ່ານ Adam Boehler, ຜູ້ອໍານວຍການຝ່່າຍບໍລິຫານອົງການພັດທະນາການເງິນສາກົນ ອາເມລິກາ (ພາບ: TTXVN)

        ທີ່ການຕ້ອນຮັບ, ທ່ານ ຫງວຽນວັນບິ່ງ ຫົວໜ້າຄະນະເສດຖະກິດສູນກາງ ຢັ້ງຢືນວ່າ, ຫວຽດນາມ ຍາມໃດກໍສະໜັບສະໜູນ ແລະ ສ້າງເງື່ອນໄຂສະດວກໃຫ້ແກ່ການລົງທຶນຂອງວິສາຫະກິດ ອາເມລິກາ ເວົ້າລວມ ແລະ ອົງການພັດທະນາການເງິນສາກົນ ອາເມລິກາ ເວົ້າສະເພາະ. ທ່ານ ກໍສະເໜີໃຫ້ອົງການການເງິນພັດທະນາສາກົນ ອາເມລິກາ ສືບຕໍ່ເປີດກວ້າງບັນຊີລາຍຊື່ບັນດາໂຄງການທີ່ເຂົ້າຮ່ວມການໜູນຊ່ວຍຢູ່ຫວຽດນາມ, ໂດຍສະເພາະແມ່ນບັນດາຂົງເຂດ ເຊິ່ງຫວຽດນາມມີຄວາມຕ້ອງການຢ່າງໃຫຍ່ຫຼວງຄື: ພະລັງງານ, ພື້ນຖານໂຄງລ່າງ,  ສາທາລະນະສຸກ, ການບິນ, ການເງິນ....; ເປັນຂົວຕໍ່ແນະນໍາຂໍ້ມູນກ່ຽວກັບກາລະໂອກາດ ແລະ ກໍາລັງຄວາມສາມາດບົ່ມຊ້ອນໃນການລົງທຶນຢູ່ຫວຽດນາມ ໃຫ້ບັນດາວິສາຫະກິດ ແລະ ກອງທຶນລົງທຶນຢູ່ ອາເມລິກາ.

        ທ່ານ Adam Boehler, ຜູ້ອໍານວຍການຝ່່າຍບໍລິຫານອົງການພັດທະນາການເງິນສາກົນ ອາເມລິກາ, ສະແດງໃຫ້ເຫັນຄໍາໝັ້ນສັນຍາ ຈະໜູນຊ່ວຍ ແລະ ຊອກຫາກາລະໂອກາດລົງທຶນເຂົ້າເສດຖະກິດພາກເອກະຊົນຫວຽດນາມ, ໂດຍສະເພາະແມ່ນໃນຂົງເຂດພະລັງງານ, ພື້ນຖານໂຄງລ່າງ, ຜ່ານນັ້ນ ຊ່ວຍຮັບປະກັນສະໜອງແຫຼ່ງພະລັງງານໃຫ້ພຽງພໍ ແລະ ໜູນຊ່ວຍບັນດາໂຄງການພື້ນຖານໂຄງລ່າງຈຸດສຸມຂອງຫວຽດນາມ.