ທີ່ປຶກສາຂັ້ນສູງຂອງປະທານາທິບໍດີ ອາເມລິກາ ທ່ານ Jared Kushner (ພາບ: AFP/TTXVN)

ວັນທີ 24 ສິງຫາ ທີ່ປຶກສາຂັ້ນສູງຂອງປະທານາທິບໍດີ ອາເມລິກາ ທ່ານ Jared Kushner ໄດ້ຍົກອອກຄຳຖະແຫຼງດັ່ງກ່າວ ທີ່ການພົບປະສະເພາະກັບທ່ານນາຍົກລັດຖະມົນຕີ ອິດສະລາແອັນ Benjamin Netanyahu ຢູ່ Jerusalem ໃນສະພາວະການເຈລະຈາສັນຕິພາບຄັ້ງໃໝ່ ກ່ຽວກັບສະພາບການຢູ່ຕາເວັນອອກກາງ ເລີ່ມດຳເນີນໃນວັນດຽວກັນ. ທີ່ການພົບປະ, ທ່ານ Jared Kushner ຢືນຢັນວ່າ ທ່ານປະທານາທິບໍດີ ອາເມລິກາ ປາດຖະໜາຢາກໃຫ້ ອິດສະລາແອັນ ແລະ ປາແລັດສະຕິນ ບັນລຸໄດ້ຂໍ້ຕົກລົງທີ່ນຳເອົາ “ສັນຕິພາບ ແລະ ວັດທະນາຖາວອນມາໃຫ້ທຸກຄົນໃນພາກພື້ນ”. ໃນຂະນະນັ້ນ, ທ່ານນາຍົກລັດຖະມົນຕີ Netanyahu ໃຫ້ຮູ້ວ່າ: ອາເມລິກາ ແລະ ອິດສະລາແອັນ ມີເນື້ອໃນຫລາຍຢ່າງ ຄວນໄດ້ຮັບການປຶກສາຫາລື, ຕົວຢ່າງຄືເຮັດແນວໃດ ເພື່ອນຳມາເຊິ່ງສັນຕິພາບ, ສະຖຽນລະພາບ ແລະ ຄວາມໝັ້ນຄົງ ກໍ່ຄືຄວາມວັດທະນາຖາວອນໃນພາກພຶ້ື້ນ. ຕາມການສັງເກດຂອງການນຳ ອິດສະລາແອັນ ແລ້ວ, ທຸກບັນຫານີ້ ລ້ວນແຕ່ນອນໃນກຳມືຂອງ ອາເມລິກາ ແລະ ອິດສະລາແອັນ.