ແມ່ຍິງ ແລະ ເດັກນ້ອຍ ຢູ່ ອາບການິດສະຖານ ວັນທີ 15/12/2021 (ພາບ: AFP/TTXVN)

  ໃນແຈ້ງການສະບັບ 1 ອອກວັນທີ 11 ມັງກອນ, ອົງການພັດທະນາສາກົນ ອາເມລິກາ (USAID) ໃຫ້ຮູ້ວ່າ ອາເມລິກາ ໃຫ້ຄຳໝັ້ນສັນຍາຊ່ວຍເຫຼືອມະນຸດສະທຳ ດ້ວຍມູນຄ່າ 308 ລ້ານ USD ໃນປີ 2022 ໃນບ້ວງເງິນຊ່ວຍເຫຼືອເບື້ອງຕົ້ນ ເຊິ່ງ ວໍຊິງຕັນ ສະຫງວນໃຫ້ແກ່ ອາບການິດສະຖານ. ຈຳນວນເງິນດັ່ງກ່າວ ແມ່ນເພື່ອແນໃສ່ຊ່ວຍເຫຼືອສະບຽງອາຫານ ແລະ ທາດບຳລຸງໃຫ້ແກ່ຜູ້ທີ່ມີຄວາມສ່ຽງສູງ, ໜູນຊ່ວຍສູນເບິ່ງແຍງດູແລສຸຂະພາບ ແລະ ການເຄື່ອນໄຫວພະລາທິການຢູ່ ອາບການິດສະຖານ.

        ບ້ວງເງິນດັ່ງກ່າວ ໄດ້ຍົກຍອດງົບປະມານ ເຊິ່ງ ລັດຖະບານ ອາເມລິກາ ຊ່ວຍເຫຼືອ ອາບການິດສະຖານ ນັບແຕ່ເດືອນພະຈິກ 2021 ມານີ້ ລວມທັງໝົດແມ່ນເກືອບ 782 ລ້ານ USD. ນອກຈາກນັ້ນ, ອາເມລິກາ ກໍຈະຊ່ວຍເຫຼືອວັກຊິນກັນພະຍາດໂຄວິດ - 19 ຕື່ມອີກ 1 ລ້ານໂດສ.

        ກ່ອນໜ້ານັ້ນ, ໃນວັນດຽວກັນ, ສປຊ ຮຽກຮ້ອງໃຫ້ປະຊາຄົມສາກົນປະກອບເງິນຈຳນວນ 5 ຕື້ USD ເພື່ອຊ່ວຍເຫຼືອ ອາບການິດສະຖານ ໃນປີ 2022.