ໃນລະຫວ່າງວັນທີ 10 – 14 ກຸມພາ, ບັນດາຫົວໜ່ວຍທີ່ມີໜ້າທີ່ຮັບຜິດຊອບຂອງກະຊວງກະສິກໍາ ແລະ ພັດທະນາຊົນນະບົດຫວຽດນາມ ພ້ອມດ້ວຍວິສາຫະກິດບາງແຫ່ງຂອງ ຫວຽດນາມ ໄດ້ມີການເຮັດວຽກກັບຄະນະນັກຊ່ຽວຊານຄົ້ນຄວ້າກ່ຽວກັບວັກຊິນ ປ້ອງກັນໂລກອະຫິວາໝູ ອາຟະລິກາ ຂອງ ກະຊວງກະສິກໍາ ອາເມລິກາ.

        ທີ່ການເຮັດວຽກໃນ ວັນທີ 10 ກຸມພາ, ກະຊວງກະສິກໍາ ອາເມລິກາ ໄດ້ມອບສົ່ງເຊື້ອໄວຣັດ ທີ່ໄດ້ຄົ້ນຄວ້າສໍາເລັດແລ້ວ ແລະ ໄດ້ຂ້າແຢນທີ່ບໍ່ດີອອກແລ້ວ ໃຫ້ແກ່ຫວຽດນາມ. ເລື່ອງມອບສົ່ງດັ່ງກ່າວ ຈະຊ່ວຍຄົ້ນຄວ້າ, ກ້າວໄປເຖິງການຜະລິດວັກຊິນປ້ອງກັນໂລກອະຫິວາໝູ ອາຟະລິກາ ຢູ່ຫວຽດນາມ.  ກະຊວງກະສິກໍາ ອາເມລິກາ ກໍໄດ້ໃຫ້ຄໍາໝັ້ນສັນຍາຈະໜູນຊ່ວຍພະນັກງານເຕັກນິກ ລະຫວ່າງສອງປະເທດ ເພື່ອພ້ອມກັນຜັນຂະຫຍາຍການຄົ້ນຄວ້າ, ສ້າງຂັ້ນຕອນຕີລາຄາຄຸນນະພາບຂອງ ວັກຊິນ ເພື່ອໃຫ້ ຫວຽດນາມ ປະກາດໃຊ້ມາດຕະການກວດກາຢັ້ງຢືນ ພາຍຫຼັງການຄົ້ນຄວ້າສໍາເລັດໂດຍໄວ.