(vovworld) - ​ ​ ວັນ​ທີ 04/03, ທ່ານ John Kerry ລັດຖະມົນຕີ​ວ່າການ​ກະຊວງ​ການ​ຕ່າງປະ​ເທດ ອາ​ເມ​ລິ​ກາ ມີ​ການ​ໂອ້​ລົ​ມທາງ​ໂທລະສັບ​ກັບ​ຄູ່​ຕຳ​ແໜ່​ງ ກຸຍ​ບາ ທ່ານ Bruno Rodriguez ປຶກສາ​ຫາລື​ກ່ຽວ​ກັບການ​ຢ້ຽມຢາມ ກຸຍ​ບາ ຂອງ​ທ່ານ​ປະທານາທິບໍດີ ອາ​ເມ​ລິ​ກາ Barack Obama ຈະ​ມາ​ເຖິງ ​ແລະ ກໍ່​ຄື​ຢືນຢັນ​ຄືນ​ໃໝ່​ຄຳ​ໝັ້ນ​ສັນຍາ​ຊຸກ​ຍູ້ວິວັດທະນາ​ການ​ສ້າງ​ການ​ພົວພັນ​ 2 ຝ່າຍ​ໃຫ້ເປັນ​ປົກກະຕິ. ທ່ານ​ລັດຖະມົນຕີ​ວ່າການ​ກະຊວງ​ການ​ຕ່າງປະ​ເທດ ອາ​ເມ​ລິ​ກາ John Kerry ​ໃຫ້​ຮູ້​ວ່າ: ທ່ານ​ປະທານາທິບໍດີ Barack Obama ລໍຖ້າ​ການ​ພົບ​ປະ​ກັບ​ບັນ​ດາ​ການ​ນຳ ກຸຍ​ບາ, ກໍ່​ຄື​ບັນດາ​ສະມາຊິກ​ຂຶ້ນ​ກັບສັງຄົມ​ພົນລະ​ເຮືອນຂອງ​ປະ​ເທດ​ນີ້​ໃນ​ການ​ຢ້ຽມຢາມ​ຈະ​ມາ​ເຖິງ.

        ຄາດ​ຄະ​ເນ​ວ່າ: ​ໃນ​ລະຫວ່າງ​ວັນ​ທີ 21 - 22/03 ຈະ​ມາ​ເຖິງທ່ານ​ປະທານາທິບໍດີ Barack Obama ​ແລ​ະ ພັນ​ລະ​ຍາ Michelle Obama ຈະ​ມີ​ການ​ຢ້ຽມຢາມ​ ກຸຍ​ບາ. ນີ້​​ແມ່ນ​ການ​ຢ້ຽມຢາມ​ຄັ້ງ​ປະຫວັດສາດ ຍ້ອນ​ວ່າ ທ່ານ Barack Obama ​ເປັນ​ປະທາ​ນາ​ທິບໍດີ ອາ​ເມ​ລິ​ກາ ຜູ້​ທຳ​ອິດ​ໄປ​ຢ້ຽມຢາມ ກຸຍ​ບາ ນັບ​ແຕ່​ປີ 1928 ມາ​ຮອດປະຈຸ​ບັນ.