(vovworld) - ວັ​ນ​ທີ 04/06, ສະ​ຖານ​ທູດ​ອາ​ເມ​ລິ​ກາ ປະ​ຈຳ​ອາ​ຟະ​ລິ​ກາ​ໃຕ້ ໄດ້​ກ່າວ​ເຕືອນ​ພົນ​ລະ​ເມືອງ​ອາ​ເມ​ລິ​ກາ ກ່ຽວ​ກັບ​ເລື່ອງ​ອາດ​ຈ​ະ​ເກີດ​ການ​ບຸກ​ໂຈມ​ຕີກໍ່​ການ​ຮ້າຍ​ຢູ່​ບັນ​ດາ​ນະ​ຄອນ​ໃຫຍ່​ຂອງ​ປະ​ເທດນີ້. ໃນ​ແຈ້ງ​ການ​ປະ​ກາດ​ໃນ​ແວັບ​ໄຊ, ສະ​ຖານ​ທູດ​ອາ​ເມ​ລິ​ກາ​ໃຫ້​ຮູ້​ວ່າ, ລັດ​ຖະ​ບານ​ອາ​ເມ​ລິ​ກາ ໄດ້​ຮັບ​​​ຂ່າວ​ວ່າ ບັນ​ດາກຸ່ມກໍ່​ການ​ຮ້າຍ​ພວມ​ສ້າງ​ແຜນ​ການ​ປະ​ຕິ​ບັດ​ບັນ​​ດາ​ການ​ບຸ​ກ​ໂຈ​ມ​ຕີ ແນ​ໃສ່​ເຂດ​ຂາຍ​ເຄື່ອງ​ຢູ່ Johannesburg ແລະ Cape Town ໃນ​ເວ​ລາ​ໄ​ກ້ໆນີ້. ນີ້​ແມ່ນ​ບັນ​ດາ​ສະ​ຖານ​ທີ່​ເຊິ່ງ​ພົນ​ລະ​ເມືອງ​ອາ​ເມ​ລິ​ກາ ​​ເຄີຍມາ​. ​ແຕ່​ວ່າ, ໂຄ​ສົກ​ກະ​ຊວງ​ການ​ຕ່າງ​ປະ​ເທດ​ອາ​ຟະ​ລິ​ກາ​ໃຕ້ Clayson Monyela ຢື​ນ​ຢັ​ນ​ວ່າ, ບັນ​ດາ​ອົງ​ການ​ປ້ອງ​ກັນ​ຄວາ​ມ​ສະ​ຫງົບ​ຂອງ​ປະ​ເທດນີ້ ສາ​ມາດ​ຮັບ​ປະ​ກັນ​ຄວາມ​ສະ​ຫງົບ​ຢູ່​ອາ​ຟະ​ລິ​ກາ​ໃຕ້ ແລະ ຄວາມ​ປອດ​ໄພ​ຂອງ​ທຸກໆ​ຄົນ​ຢູ່​ປະ​ເທດນີ້.