ອາເມລິກາຈັດວາງອັດຕາພາສີຕ້ານການຂາຍບຸບລາຄາເຫຼັກເສັ້ນປະສົມໂລຫະ ແລະ ກາກບອນສຳລັບ 5 ປະເທດ
(VOVWORLD) -ວັນທີ 01 ພຶດສະພາ, ຄະນະກຳມະການການຄ້າສາກົນອາເມລິກາ (USITC) ແຈ້ງໃຫ້ຊາບວ່າ, ວໍຊິງຕັນ ຈະເກັບພາສີຕ້ານການຂາຍບູບລາຄາສຳລັບປະເພດສິນຄ້າກາກບອນ ແລະ ປະສົມໂລຫະ ທີ່ນຳເຂົ້າຈາກ 5 ປະເທດ
 (ພາບປະກອບ: dw.com)
|
ພາຍຫຼັງກຳນົດວ່າບັນດາຜະລິດຕະພັນດັ່ງກ່າວໄດ້ນາບຂູ່ເຖິງຂະແໜງຜະລິດຢູ່ພາຍໃນປະເທດຂອງອາເມລິກາ. ຕາມນັ້ນແລ້ວ, USITC ໄດ້ກຳນົດວ່າ ຂະແໜງອຸດສາຫະກຳຢູ່ພາຍໃນປະເທດພວມຖືກ “ເສຍຫາຍຢ່າງແທ້ຈິງ” ຈາກບັນດາຜະລິດຕະພັນດັ່ງກ່າວທີ່ນຳເຂົ້າຈາກ 5 ປະເທດແມ່ນ ສ.ເກົາຫຼີ, ອີຕາລີ, ແອັດສະປາຍ, ຕວກກີ ແລະ ອັງກິດ. ບົດແຈ້ງຂ່າວຂອງ USITC ຊີ້ແຈ້ງວ່າ, ພາຍຫຼັງກຳນົດສິ່ງດັ່ງກ່າວ, ກະຊວງການຄ້າອາເມລິກາ ຈະອອກຄຳສັ່ງຈັດວາງອັດຕາພາສີຕ້ານການຂາຍບູບລາຄາສຳລັບປະເພດສິນຄ້າ ກາກບອນ ແລະ ປະສົມໂລຫະທີ່ມາຈາກ 5 ປະເທດດັ່ງກ່າວ.