ອາເມລິກາຊົມເຊີຍວິວັດການຂ້າມຜ່ານດ້ານການເມືອງຢູ່ມຽນມາ
(ພາບປະກອບ)(vovworld) - ປະທານາທິບໍດີອາເມລິກາ Barack Obama ຊົມເຊີຍການເລືອກຕັ້ງລັດຖະບານພົນລະເຮືອນໃໝ່ຢູ່ ມຽນມາ ແມ່ນຂີດໝາຍປະຫວັດສາດຂອງວິວັດທະນາການຂ້າມຜ່ານດ້ານການເມືອງຢູ່ປະເທດອາຊີຕາເວັນອອກສ່ຽງໃຕ້ນີ້. ວັນທີ 6/4, ໃນການໂອ້ລົມທາງໂທລະສັບກັບປະທານາທິບໍດີຄົນໃໝ່ຂອງມຽນມາ ທ່ານ Uhtin Kyaw ນັ້ນ, ທຳນຽບຂາວໄດ້ແຈ້ງໃຫ້ຮູ້ວ່າ, ທ່ານ Barack Obama ໄດ້ຝາກຄຳອວຍພອນເຖິງການນຳຜູ້ນີ້, ພ້ອມທັງເໜັ້ນໜັກເຖິງຄຳໝັ້ນສັນຍາຂອງ ອາເມລິກາ ແມ່ນຈະໜູນຊ່ວຍໃຫ້ປະຊາຊົນ ແລະ ລັດຖະບານ ປະເທດນີ້ ໃນຄວາມມານະພະຍາຍາມມຸ່ງໄປເຖິງອານາຄົດທີ່ຮອບດ້ານ, ສັນຕິພາບ ແລະ ວັດທະນາຖາວອນກວ່າ. ພາຍຫຼັງໄຊຊະນະຢ່າງຂາດຂັ້ນໃນການເລືອກຕັ້ງເມື່ອເດືອນ 11/2015 ຜ່ານມາ. ວັນທີ 30/3, ປະທານາທິບໍດີ Uhtin Kyaw ແລະ ຄະນະລັດຖະບານໃໝ່ຂອງ ມຽນມາ ຈຶ່ງດຳເນີນພິທີສາບານຕົວຮັບດຳລົງຕຳແໜ່ງ, ກາຍເປັນອຳນາດການປົກຄອງພົນລະເຮືອນທຳອິດຢູ່ປະເທດອາຊີຕາເວັນອອກສ່ຽງໃຕ້, ພາຍຫຼັງຢູ່ພາຍໃຕ້ການຊີ້ນຳນຳພາຂອງກອງທັບມາເປັນເວລາເຄິ່ງກວ່າທົດສະວັດ.