(vovworld) - ກ່າວ​ບົດ​ປາ​ໄສ​ສຳຄັນ​ທີ່​ສະ​ຖາ​ບັນ​ກອງທັບ​ເຮືອ​ອາ​ເມ​ລິ​ກາ ​ເມືອ​ວັນ​ທີ 11/4, ທ່ານ​ນາງ​ລັດຖະມົນຕີ​ການ​ຕ່າງ​ປະ​ເທດ ອາ​ເມ​ລິ​ກາ Hillary Clinton ​ໄດ້​ເນັ້ນ​ໜັກ​ອີກ​ເທື່ອ​ໜຶ່ງ​ເຖິງ​ບົດບາດ​ຂອງ​ພາກ​ພື້ນອາຊີ - ປາຊີ​ຟິກ ​ໃນ​ສະຕະວັດ​ທີ 21 ​ແລະ ຢືນຢັນ​ຄືນ​ໃໝ່​ຍຸດ​ທະ​ສາດ​ກໍ​ຄື​ຜົນ​ປະ​ໂຫຍ​ດຂອງ​ອາ​ເມ​ລິ​ກາ​ຕໍ່​ເລື່ອງ​ກັບ​ຄືນ​ສູ່​ພາກ​ພື້ນ​ນີ້. ຕາມ​ທ່ານ​ນາງ Hillary ​ແລ້ວ, ພາກ​ພື້ນ​ອາຊີ - ປາຊີ​ຟິກ​ແມ່ນ​ພາກ​ພື້ນ​ທີ່​ກ້ວາງ​ແຂວງ, ຈາກມະຫາ​ສະໝຸດ ອິນ​ເດຍ ຕະຫຼອດ​ຮອດຟັ່ງ​ຕາ​ເວັນ​ຕົກ​ຂອງ​ທະວີບອາ​ເມ​ລິ​ກາ, ກວມ​ກ່ວາ​ເຄິ່ງໜຶ່ງ​ປະຊາກອນ​ຂອງ​ໂລກ, ​ແມ່ນ​ພາກ​ພື້ນ​ມີ​ຫຼາຍ​ປະ​ເທດ​ພັນທະ​ມິດ​ທີ່​ໄວ້​ເນື້ອ​ເຊື່ອ​ໃຈ​ທີ່​ສຸດ​ຂອງ ອາ​ເມ​ລິ​ກາ. ທ່ານ​ນາງ​ລັດຖະມົນຕີ​ການ​ຕ່າງປະ​ເທດ Hillary Clinton  ຢືນຢັນ​ວ່າ: ປະຈຸ​ບັນ ອາ​ເມ​ລິ​ກາ​ຍູ້​ແຮງ​ການ​ຮ່ວມ​ມື ກັບ​ບັນດາ​ປະ​ເທດ​ໃນ​ພາກ​ພື້ນ​ນີ້​ດ້ວຍ​ມາດ​ຕະການ “ຜັນ​ຂະຫຍາຍການ​ທູດ​​ມຸ້ງ​ໄປ​ສູ່​ເບື້ອງ​ໜ້າ”. ​ເມື່ອ​ເຕື້ອງ​ເຖິງ​ຄວາມ​ສະຫງົບ​ປອດ​ໄພ​ໃນ​ພາກ​ພື້ນ, ​ໃນ​ນັ້ນ​ມີ​ບັນຫາ​ຄວາມເສລີ​​ໃນ​ການ​​ເດີນທະ​ເລຢູ່​ເຂດ​ທະ​ເລ​ຕາ​ເວັນ​ອອກ, ທ່ານ​ນາງ Hillary Clinton ​ໄດ້​​ເວົ້າ​ວ່າ: ອາ​ເມ​ລິ​ກາ​ບໍ່​ຍື່ນງ່ຽງ​ໄປ​ຕາມຝ່າຍ​ໃດ ​ໃນ​ການ​ພິພາດ​​ເຂດ​ດິນ​ແດນ ​ແຕ່​ວ່າອາ​ເມ​ລິ​ກາ ພັດສະໜັບສະໜູນ​ມາດ​ຕະການ​ສັນ​ຕິ​ພາບ​ສຳລັບ​ບັນຫາ​ນີ້. ຝ່າຍ​ຕ່າງໆ​ຕ້ອງ​ເຄົາລົບ​ນັບຖື​ກົດໝາຍ​ສາກົນ, ຊຸກຍູ້​ບັນດາ​ມາດ​ຕະການສັນ​ຕິ​ໃຫ້​ແກ່​ການ​ພິພາດກັນ​ຕ່າງໆ​.