ທ່ານປະທານາທິບໍດີ ອາເມລິກາ Barack Obama
(ພາບ: AFP/TTXVN)
|
(vovworld) – ວັນທີ 1/6, ທ່ານປະທານາທິບໍດີ ອາເມລິກາ Barack Obama ຖະແຫຼງອາດຈະສືບຕໍ່ເຮັດໃຫ້ພັນທະມິດ ອິດສະຣາແອນ ເສຍໃຈ ແລະ ທ່ານຢັ້ງຢືນວ່າ: ວໍຊິງຕັນຈະປະຕິບັດຂໍ້ຕົກລົງຜ່ານການເຈລະຈາ, ຫາກບໍ່ແມ່ນການກະທຳດ້ານການທະຫານເພື່ອສະກັດກັ້ນເລື່ອງ ອີຣານ ກຳມະສິດອາວຸດນິວເຄຼຍ. ຄຳເຫັນຂອງທ່ານ Obama ໃຫ້ຮູ້ວ່າ: ໂດຍອີງໃສ່ສະພາບການຕົວຈິງ, ບັນດາຫຼັກຖານ ແລະ ການໄຈ້ແຍກສະພາບການ, ທຳນຽບຂາວ ໄດ້ສະຫລຸບວ່າ: ວິທີດີທີ່ສຸດເພື່ອສະກັດກັ້ນບໍ່ໃຫ້ ອີຣານ ກຳມະສິດອາວຸດນິວເຄຼຍ ບັນດາຝ່າຍເລື່ອງບັນລຸໄດ້ຂໍ້ຕົກລົງຢ່າງແໜ້ນແຟ້ນ ແລະ ອາດຈະກວດກາໄດ້. ທ່ານປະທານາທິບໍດີ Obama ຊີ້ແຈ້ງວ່າ: “ມາດຕະການດ້ານການທະຫານຈະບໍ່ແກ້ໄຂບັນຫາໄດ້. ນັບທັງເມື່ອ ອາເມລິກາ ເຂົ້າຮ່ວມບັ້ນຮົບ, ການກະທຳນັ້ນພຽງແຕ່ເຮັດໃຫ້ໂຄງການນິວເຄຼຍຂອງ ອີຣານ ຊັກຊ້າລົງຊົ່ວຄາວເທົ່ານັ້ນ ຫາກບໍ່ສາມາດລົບລ້າງໂຄງການນີ້ໄດ້.” ເມື່ອຖືກຖາມວ່າ ທຳນຽບຂ່າວຈະມີປະຕິກິລິຍາຄືແນວໃດຖ້າຫາກ ອິດສະຣາແອນ ປຸກລະດົມການເຄື່ອນໄຫວດ້ານການທະຫານໃສ່ ອີຣານ ແຕ່ບໍ່ປະກາດໃຫ້ ວໍຊິງຕັນ ຊາບທ່ານປະທານາທິບໍດີ Obama ໃຫ້ຮູ້ວ່າ: ທ່ານບໍ່ຄິດເຖິງກໍລະນີນີ້.