(ພາບປະກອບ)

(vovworld) - ວັນ​ທີ 30/7, ທ່ານ Eric Fanning ລັດຖະມົນຕີ​ກອງທະຫານ​ບົກ ອາ​ເມ​ລິ​ກາ ຖະ​ແຫຼ​ງວ່າ, ການ​ຊ້ອມ​ຮົບ​ປະຈຳ​ປີ​ລະຫວ່າງ​ອາ​ເມ​ລິ​ກາ ​ແລະ ສ.​​ເກົາຫຼີ ຈະ​ສືບ​ຕໍ່​ດຳ​ເນີນ​ໃນ​ເດືອນ 8 ຈະ​ມາ​ເຖິງ ໂດຍ​ບໍ່​ຫົວຊາ​ຕໍ່​ຄຳ​ກ່າວ​ເຕືອນ​ຂອງ ​ສ​ປປ​ເກົາຫຼີ ກ່ຽວ​ກັບ​ຜົນ​ຮ້າຍ​ຢ້ອນ​ຫຼັງ, ຖ້າ​ຫາກ ອາ​ເມ​ລິ​ກາ - ສ​ເກົາຫຼີ ຍັງ​ຄົງ​ດຳ​ເນີນ​ການ​ຊ້ອມ​ຮົບ​ຮ່ວມ. ກ່ອນ​ໜ້າ​ນັ້ນ, ວັນ​ທີ 28/7, ​ເຈົ້າ​ໜ້າ​ທີ່​ຂັ້ນ​ສູງ ສປປ ​ເກົາຫຼີ​ທ່ານ​ໜຶ່ງ​ໄດ້​ກ່າວ​ເຕືອນ​ວ່າ, ທາດ​ແທ້​ຂອງ​ການ​ຊ້ອນ​ຮົບ​ຮ່ວມ ອາ​ເມ​ລິ​ກາ - ສ​ເກົາຫຼີ ​ໄດ້​ກາຍ​ເປັນ​ການ​ກະທຳ​ກະຫາຍ​ຢ່າງ​​ເປີດ​ເຜີຍ ​ແລະ ພຽງ​ຢາງ​ໄດ້​ກຽມພ້ອມ​ໃຫ້​ແກ່​ການ​ສູ້​ຮົບ. ສ່ວນ​ທ່ານ  Eric Fanning ​ໄດ້​ປະຕິ​ເສດ​ຄຳ​ຖະ​ແຫຼ​ງດັ່ງກ່າວ​ຂອງ ສປປ ​ເກົາຫຼີ, ພ້ອມ​ທັງ​ເນັ້ນ​ໜັກ​ວ່າ, ອາ​ເມ​ລິ​ກາ ​ແລະ ສ​ເກົາຫຼີ ​ໄດ້​ດຳ​ເນີນ​ການ​ຊ້ອມ​ຮົບ​ຮ່ວມ​ໃນ​ຫຼາຍ​ທົດ​ສະ​ວັດ​ທີ່​ຜ່ານ​ມາ​ແລ້ວ ​ແລະ ການ​ເຄື່ອນ​ໄຫວ​ນັ້ນ ​ໄດ້​ປະກອບສ່ວນ​​ໃຫ້​ແກ່​ຄວາມ​ມີສະຖຽນ​ລະ​ພາບ​.