ລັດຖະມົນຕີການຕ່າງປະເທດລັດເຊຍ Sergei Lavrov
ແລະ ລັດຖະມົນຕີການຕ່າງປະເທດ ອາເມລິກາ John Kerry
ພາບ:internet
(vovworld)-ວັນທີ 23/4, ອາເມລິກາ ແລະ ລັດເຊຍ ໄດ້ເຫັນດີພ້ອມກັນຊອກຫາມາດຕະການຟື້ນຟູແຜນການສັນຕິພາບໃຫ້ແກ່ຊີຣີ. ກ່າວຄຳເຫັນພາຍຫລັງການເຈລະຈາກັບລັດຖະມົນຕີການຕ່າງປະເທດລັດເຊຍ Sergei Lavrov ແລະ ບັນດາຄູ່ຕຳແຫນ່ງບັນດາປະເທດ NATO ຢູ່ ບຣຸກແຊນ ປະເທດແບນຊິກ, ທ່ານລັດຖະມົນຕີການຕ່າງປະເທດ ອາເມລິກາ John Kerry ໃຫ້ຮູ້ວ່າ: ທ່ານພ້ອມກັບທ່ານ Lavrov ໄດ້ປຶກສາຫາລືກ່ຽວກັບມາດຕະການຟື້ນຟູແຜນການສັນຕິພາບໃຫ້ແກ່ຊີຣີ ຊື່ງບັນດາຝ່າຍໄດ້ເຫັນດີເມື່ອເດືອນ 6 ປີກາຍ ຢຸູ່ເຊີແນວປະເທດສະວິດ. ເນື້ອໃນຕົ້ນຕໍຂອງແຜນການນີ້ແມ່ນຮຽກຮ້ອງການມອບໂອນສິດອຳນາດໃນຄວາມສັນຕິພາບ ແລະ ສ້າງຕັ້ງລັດຖະບານຊົ່ວຄາວຢູ່ຊີຣີ. ໃນວັນດຽວກັນ, ສຳນັກຂ່າວສານ SANA ຂອງຊີຣີ ໄດ້ໃຫ້ຂ່າວວ່າ: ກະຊວງການຕ່າງປະເທດຊີຣີ ໄດ້ຍື່ນສະເຫນີຈົດໝາຍສະບັບຫນຶ່ງຕໍ່ສະພາຄວາມໝັ້ນຄົງ ສປຊ, ໃນນັ້ນກ່າວຫາຄຳຕັດສິນຫລຸດຜ່ອນຄຳສັ່ງຂວ້ຳບາດ ນ້ຳມັນສຳລັບຊີຣີຂອງ ອີຢູ ແມ່ນເປີດຊ່ອງທາງໃຫ້ແກ່ກຳລັງຝ່າຍຄ້ານສົ່ງນ້ຳມັນໄປຂາຍຢູ່ຕ່າງປະເທດ.