(ພາບປະກອບ)
(vovworld)- ຄວາມເຄັ່ງຕຶງໃນການພົວພັນອາເມລິກາ-ອາເມລິກາລາຕິນ ຕໍ່ການເຜີຍລັບກ່ຽວກັບໂຄງການສອດແນມຂອງວໍຊິງຕັນ ຍັງບໍ່ທັນມີສັນຍານຫລຸດລົງ ຂະນະທີ່ທ່ານລັດຖະມົນຕີການຕ່າງປະເທດອັກຊັງຕິນ Hector Timerman ຊີ້ແຈງວ່າ: ບັນດາປະເທດອາເມລິກາລາຕິນ ມີຫຼັກຖານກ່ຽວກັບເລື່ອງອາເມລິກາ ຕິດຕາມບັນດາເຈົ້າໜ້າທີ່ຂອງຕົນໂດຍປິດລັບ. ທ່ານໃຫ້ຮູ້ວ່າ: ທ່ານໄດ້ຮັບບັນຊີລາຍຊື່ພົນລະເມືອງອັກຊັງຕິນກ່ວາ 100 ຄົນຖືກອາເມລິກາ ສອດແນມ, ໃນນັ້ນມີເຈົ້າໜ້າທີ່ຂັ້ນສູງຂອງລັດຖະບານ ແລະ ສະພາແຫ່ງຊາດອັກຊິງຕິນ ຫຼາຍທ່ານ.
ໃນຂະນະນັ້ນ, Edward Snowden, ອະດີດພາລະກອນອົງການສືບລາຊະການລັບສູນກາງອາເມລິກາ ຍັງຖືກຄ້າງໄວ້ຢູ່ສະໜາມບິນ Sheremetyevo ຢູ່ນະຄອນຫຼວງມົດສະກູ ປະເທດລັດເຊຍ ນັບແຕ່ວັນທີ 23/6. ເຖິງວ່າ, ໂບລີວີອາ, ເວເນຊູເອລາ ແລະ ນີກາຣາກວາ ຕົກລົງອອກຂໍ້ກຳນົດລົບໄພມະນຸດສະທຳກໍ່ຕາມ ແຕ່ບຸກຄົນນີ້ກໍ່ຍັງບໍ່ທັນເດີນທ່າງໄປເຖິງ “ຈຸດນັດພົບທີ່ປອດໄພ“ ສຸດທ້າຍ ຍ້ອນບໍ່ທັນມີໜັງສືຢ່າງພຽງພໍ.