ການທົດລອງລູກສອນໄຟນຳວິຖີຂ້າມໄຫຼ່ທະວີບ
(ພາບ: : Fox News)
(vovworld) – ວັນທີ 6/4, ກະຊວງປ້ອງກັນປະເທດອາເມລິກາ ໄດ້ຕົກລົງໂຈະດຳເນີນການທົດລອງລູກສູນໄຟນຳວິຖີ, ເຊິ່ງຄາດວ່າຈະດຳເນີນໃນສັບປະດາໃກ້ໆນີ້, ເພື່ອຫຼີກເວັ້ນບໍ່ໃຫ້ເຂົ້າໃຈຜິດ ໃນສະພາບນັບມື້ນັບເຄັ່ງຕຶງຢູ່ແຫຼມເກົາຫຼີ. ບັນດາເຈົ້າໜ້າທີ່ຖືວ່າ, ນີ້ແມ່ນການກະທຳທີ່ມີຄວາມຮັບຜິດຊອບ, ເໝາະສົມ ແລະ ລະມັດລະວັງ. ພາຍຫຼັງກໍລະນີທົດລອງນິວຄະເລຍຂອງ ສປປ ເກົາຫຼີ ໃນເດືອນ 2 ຜ່ານມາ. ອາເມລິກາ ໄດ້ເພີ່ມທະວີບັນດາມາດຕະການລົງໂທດທາງດ້ານເສດຖະກິດ ແລະ ສະແດງກຳລັງແຮງດ້ານການທະຫານຂອງຕົນ ດ້ວຍເລື່ອງນຳອາວຸດທີ່ທັນສະໄໝເຂົ້າຮ່ວມການຊ້ອມຮົບກັບ ສ ເກົາຫຼີ. ສປປ ເກົາຫຼີ ກໍ່ໄດ້ໂຕ້ຕອບດ້ວຍເລື່ອງຕັດໂທລະສັບສາຍດ່ວນດ້ານການທະຫານກັບ ສ ເກົາຫຼີ ໃນທັນທີ ແລະ ຖະແຫຼງ “ສະພາວະສົງຄາມ“ ພ້ອມທັງກ່າວເຕືອນດຳເນີນການບຸກໂຈມຕີດ້ວຍນິວຄະເລຍໃສ່ບັນດາເປົ້າໝາຍຂອງອາເມລິກາ.