(vovworld) – ວັນ​ທີ 30/6, ອຳນາດ​ການ​ປົກຄອງ​ການ​ທະຫານ ​ໄທ ​ໃຫ້​ຮູ້​ວ່າ, ​ໄດ້​ເລີ່​ມປະຕິ​ຮູບ​ລະບົບ​ການ​ເລືອກ​ຕັ້ງ​ພາຍຫຼັງ​ທ່ານນາຍພົນ ປຣາຢຸດ ຈັນ​ໂອ​ຈາ, ການ​ນຳອຳ​ນາດ​ການ​ປົກຄອງ​ນີ້ຖະ​ແຫຼ​ງການ​ເລືອກ​ຕັ້ງ​ໃນ​ທົ່ວ​ປະ​ເທດ​ອາດ​ຈະ​ຈັດ​ຂຶ້ນ​ໃນ​ເດືອນ 10/2015. ຕາມ​ທ່ານ​ເລຂາ​ຜູ້​ປະຈຳການ​ຮັບຜິດຊອບ​ບັນຫາ​ປ້ອງ​ກັນ​ຊາດ ສຸຣາສັກ ກັນຈະນາຣາດ, ປະຕິ​ຮູບ​ພັກ​ການ​ເມືອງ, ​ແບ່ງ​ສິດ​ອຳນາດ, “ການສືບສວນ​ ​ແລະ ລົງ​ໂທດ​ບັນດາ​ກຸ່ມ​ສໍ້​ໂກງ​ໃນ​ການ​ເລືອ​ກຕັ້ງ” ​​ແມ່ນ​ຈຸດ​ສຸມ​ໃນ​ໂຄງການ​ດຳ​ເນີນ​ງານ​ຂອງ​ອຳນາດ​ການ​ປົກຄອງ​ການ​ທະຫານ. ກ່າວ​ຄຳ​ເຫັນ​ຕໍ່​ວົງ​ການ​ນັກ​ຂ່າວ, ທ່ານ ສຸຣາສັກ ​ໃຫ້​ຮູ້​ວ່າ: ອຳນາດ​ການ​ປົກຄອງ​ການ​ທະຫານ ​ແລະ ຄະນະ​ກຳມະການ​ເລືອກ​ຕັ້ງ​​ໄດ້ປຶກສາ​ຫາລື​ກ່ຽວ​ກັບ​ບັນດາ​ຮົ້ວ​ກີດຂວາງ​ທີ່​ມີ​ຕໍ່​ການ​ເລືອກ​ຕັ້ງ ​ແລະ ການ​ສໍ້​ລາດບັງ​ຫຼວງ​​ໃນ​ວັນ​ດຽວ​ກັນ.

    ກ່ອນ​ໜ້າ​ນັ້ນ, ອຳ​ນາດ​ການ​ປົກຄອງ​ການ​ທະຫານ ​ໄທ, ທ່ານ​ນາຍ​ພົນ ປຣາຢຸດ ຈັນ​ໂອ​ຈາ ​ໃຫ້​ຮູ້​ວ່າ: ອຳນາດ​ການ​ປົ​ກຄອງ​ການ​ທະຫານ​ຄາ​ດຄະ​ເນ​ວ່າ​ຈະ​ປະກາດ​ໃຊ້​ລັດຖະທຳ​ມະນູ​ນຊົ່ວຄາວ​ໃນ​ເດືອນ 7 ຈະ​ມາ​ເຖິງ ​ແລະ ລັດຖະທຳ​ມະນູນ​ທາງ​ການ​ໃນ​ເດືອນ 7/2015. ທ່ານ​ກໍ່​ໃຫ້​ຮູ້​ວ່າ, ພາຍຫຼັງ​ລັດ​ຖະທຳ​ມະນູນ​​ຊົ່ວຄາວໄດ້​ປະກາດ​​ໃຊ້, ອຳນາດ​ການ​ປົກຄອງ​ການ​ທະຫານ​ຈະ​ສ້າງ​ຕັ້ງ​ລັດຖະບານ ​ແລະ ສະພາ​ແຫ່​ງຊາດ​ຊົ່ວຄາວ​ໃນ​ເດືອນ 9/2015 ​ແລະ ສະພາ​ທີ່​ປຶກສາ​ການປະຕິ​ຮູບ​ໃນ​ເດືອນ 10/2015.