ແຫ່ຮູບ​ພາບທ່ານພົນ​ເອກຫວໍ້​ງວຽນ​ຢາ​ບ

ອອກ​ຈາກຫໍ​ປະຊຸມ​ເອກະ​ພາບ

(ພາບ: baophutho.vn)

(vovworld)-​​​​ ຕອນ​ບ່າຍ​ວັນ​ທີ 13/10, ພາຍຫຼັງ​ພິທີ​ໄຫວ້​ອາ​ໄລ​ຢູ່ທ່ານພົນ​ເອກຫວໍ້​ງວຽນ​ຢາ​ບຢູ່​ຫໍ​ປະຊຸມ​ເອກະ​ພາບ-​ນະຄອນ​ໂຮ່ຈິ​ມິນ, ຮູບ​ພາບ​ຂອງທ່ານພົນ​ເອກຫວໍ້​ງວຽນ​ຢາ​ບ ​ຖືກ​ນຳ​ໄປ​ຫໍພິພິຕະພັນ​ກຳລັງ​ປະກອບ​ອາວຸດ​ທາງ​ທິດຕາ​ເວັນອອກ​ພາກ​​ໃຕ້​ຫວຽດນາມ (ຂຶ້ນ​ກັບ​ທະຫານ​ເຂດ 7). ທ່ານ​ພັນ​ເອກ​ຫງວຽນ​ຢຸຍທ້ຽວ, ຜູ້ອຳນວຍການ​ຫໍພິພິຕະພັນ​ກຳລັງ​ປະກອບ​ອາວຸດ​ທາງ​ທິດຕາ​ເວັນ​ອອກ​ພາກ​​ໃຕ້​ຫວຽດນາມ ​ໃຫ້​ຮູ້​ວ່າ: ຫໍພິພິຕະພັນ​ມີ​ຄວາມ​ເປັນ​ກຽດ​ທີ່​ສຸດ ທີ່​ໄດ້​ຮັບຮູບ​ພາບ​ຂອງທ່ານພົນ​ເອກຫວໍ້​ງວຽນ​ຢາ​ບ ​ແລະ ຈະ​ເກັບຮັກສາ ຮູບ​ພາບ​ຂອງທ່ານພົນ​ເອກຫວໍ້​ງວຽນ​ຢາ​ບ ​ຄື​ດັ່ງ​ວັດຖຸ​ພັນ​ທີ່​ມີຄ່າ​ເພື່ອ​ເປັນ​ການ​ສຶກສາ​ໃຫ້​ລຸ່ນຫຼັງ. ນອກຈາກ​ນັ້ນ​ແລ້ວ, ຫໍພິພິຕະພັນ​ກຳລັງ​ປະກອບ​ອາວຸດ​ທາງ​ທິດຕາ​ເວັນ​ອອກ​ພາກ​​ໃຕ້​ຫວຽດນາມ ຍັງ​ໄດ້​ຮັບ​ໂຖ​ປັກ​ທູບ   ​ແລະ  ພວງມາລາ​ໄຫ້​ວອາ​ໄລ 12 ພວງ​ຂອງ​ປະທານ​ປະ​ເທດ, ຫ້ອງ​ວ່າການ​ສູນ​ກາງ​ພັກ, ຫ້ອງ​ວ່າການ​ລັດຖະບານ, ຄະນະ​ກຳມະການ​ແນວ​ໂຮມ​ປະ​ເທດ​ຊາດ​ຫວຽດນາມ ​ແລະ ບັນດາ​ແຂວງ​ນະຄອນ​ທາງ​ພາກ​ໃຕ້. ຮູບ​ພາບ​ຂອງທ່ານພົນ​ເອກຫວໍ້​ງວຽນ​ຢາ​ບ ດັ່ງກ່າວ​ ​ໄດ້​ຕັ້ງຢູ່ຫໍ​ປະຊຸມ​ເອກະ​ພາບ-​ນະຄອນ​ໂຮ່ຈິ​ມິນ ​ໃນ​ວັນ​ທີ 12-13/10/2013 ຊື່​ງ​ແມ່ນ​ວັນ​ຈັດ​ພິ​ທີ​ງານ​ສົບ​ລະດັບ​ຊາດທ່ານພົນ​ເອກຫວໍ້​ງວຽນ​ຢາ​ບ.