(vovworld) – ຕອນ​ບ່າຍ​ວັນ​ທີ 28/10, ທີ່​ການ​ຕ້ອນຮັບ​ທ່ານ​ພົນ​ເອກ ​ໂດ້ບ໋າ​ຕິ້, ​ເສນາ​ທິການ​ໃຫຍ່, ລັດຖະມົນຕີ​ຊ່ວຍ​ວ່າການ​ກະຊວງ​ປ້ອງ​ກັນ​ປະ​ເທດຫວຽດນາມ ​ທີ່​ນຳ​ໜ້າ​ຄະນະ​ຜູ້​ແທນ​ຂັ້ນ​ສູງກະຊວງ​ປ້ອງ​ກັນ​ປະ​ເທດ​ຫວຽດນາມ ​ມາ​ຢ້ຽມຢາມ​ກຸຍ​ບາ ຢ່າງ​​ເປັນ​ທາງ​ການ ​ໃນ​ລະຫວ່າງ​ວັນ​ທີ 25 – 28/10, ທ່ານ​ປະທານ​ກຸ​ຍບາ Raul Castro ຢືນຢັນ​ຄວາມ​ຫວັງ ກໍ​ຄືຄວາມ​ຕັດສິນ​ໃຈ​ຮັກ​ສາ​ສາຍ​ພົວພັນອັນສະໜິດ​ແໜ້ນ​ ​ແລະ ​​ເປັນ​ມູນ​ເຊື້ອອັນ​ດີງາມລະຫວ່າງກຳລັງ​ປະກອບ​ອາວຸດ​ຂອງ 2 ປະ​ເທດ. ທ່ານ​ປະທານ ກຸ​ຍບາ ສະ​ແດງ​ຄວາມ​ພາກ​ພູມ​ໃຈຍ້ອນ​ໃນ​ໄລຍະ​ຜ່ານ​ມາ ​ກາ​ນຮ່ວມ​ມື​ດ້ານ​ປ້ອງ​ກັນ​ຊາດ​ລະຫວ່າງ 2 ປະ​ເທດ ​ໄດ້ກ້າວ​ເຂົ້າ​ສູ່​ລວງ​ເລິກ, ດ້ວຍ​ການ​ເອົາ​ໃຈ​ໃສ່​ເຖິງ​ປະສິດທິ​ຜົນ​ການ​ຮ່ວມ​ມື, ທັງ ຢືນຢັນ​ວ່າ ການ​ພົວພັນ​ອັນ​ດີງາມ​ນີ້​ໄດ້​ປະກອບສ່ວນ​ຕອບ​ສະໜອງ​ຄວາມ​ຕ້ອງການ​ຍົກ​ສູງ​ຄວາມ​ສາມາດ​ປ້ອງ​ກັນ​ຂອງ 2 ປະ​ເທດ. ທ່ານ Raul Castro ​ເນັ້ນໜັກ​ວ່າ, ການ​ຮ່ວມ​ມືດ້ານປ້ອງ​ກັນຊາດ​ແມ່ນ​ສັນຍາ​ລັກ​​ແຫ່ງ​ການ​ພົວພັນ​ຮ່ວມ​ມື​ມິດຕະພາບ, ບໍ​ລິ​ສຸດ ​ແລະ ນ້ຳ​ໃຈ​ອ້າຍ​ນ້ອງ​ແບ​ບພິ​ເສດ​ລະຫວ່າງ 2 ລັດ ​ແລະ 2 ຊາດ​ຫວຽດນາມ - ກຸຍ​ບາ.