ບັນດາຜູ້ແທນເຂົ້າຮ່ວມກອງປະຊຸມ SOM ອາຊຽນ + 3

ໄດ້ດຳເນີນກອງປະຊຸມ SOM ອາຊຽນ + 3 ລະຫວ່າງ ອາຊຽນ ກັບບັນດາປະເທດ ຈີນ, ຍີ່ປຸ່ນ, ສ.ເກົາຫຼີ, ແລະ ກອງປະຊຸມ SOM EAS ລະຫວ່າງ ອາຊຽນ ກັບ 8 ຝ່າຍຄູ່ຮ່ວມມື ລວມມີ: ອົດສະຕາລີ, ຈີນ, ອິນເດຍ, ຍີ່ປຸ່ນ, ນິວຊີແລນ, ສ.ເກົາຫຼີ, ລັດເຊຍ ແລະ ອາເມລິກາ. ນີ້ແມ່ນບັນດາກອງປະຊຸມ ເພື່ອແນໃສ່ກະກຽມໃຫ້ໂຄງການດຳເນີນງານ ແລະ ບັນດາເອກະສານໃຫ້ກອງປະຊຸມລັດຖະມົນຕີຕ່າງໆ ເຊິ່ງຈະຈະດຳເນີນໃນວັນທີ 07 ສິງຫາ ຈະມາເຖິງ.

        ກ່າວຄຳເຫັນທີ່ກອງປະຊຸມ SOM ອາຊຽນ + 3, ທ່ານຮອງລັດຖະມົນຕີການຕ່າງປະເທດ ຟີລິບປີນ Enrique Manalo ຫົວໜ້າ SOM ອາຊຽນ ຂອງ ຟີລິບປີນ ຕີລາຄາສູງການຮ່ວມມື ແລະ ການປະກອບສ່ວນໃຫ້ກອງທຶນ ອາຊຽນ + 3 ຂອງບັນດາປະເທດຄູ່ຮ່ວມມືໃນໄລຍະຜ່ານມາ, ພິເສດແມ່ນ ຍີ່ປຸ່ນ ເພື່ອຮັບປະກັນແຫຼ່ງກຳລັງໃຫ້ການຮ່ວມມື.

        ທີ່ກອງປະຊຸມ SOM EAS ບັນດາປະເທດປຶກສາຫາລືເລື່ອງປະຕິບັດແຜນການດຳເນີນງານ ຜັນຂະຫຍາຍຖະແຫຼງການ ພະນົມເປັນ, ພິເສດ ແມ່ນໃນບັນດາຂົງເຂດບຸລິມະສິດ ລວມມີ: ພະລັງງານ, ການສຶກສາ, ການເງິນ, ການເຊື່ອມຕໍ່, ສາທາລະນະສຸກ ແລະ ການປ້ອງກັນຕ້ານໂລກພະຍາດ, ຮັກສາສະພາບແວດລ້ອມ ແລະ ຫລຸດຜ່ອນໄພທຳມະຊາດ. ບັນດາຜູ້ແທນ ກໍ່ປຶກສາຫາລືເອກະສານໃຫ້ກອງປະຊຸມລັດຖະມົນຕີການຕ່າງປະເທດ EAS ຈະມາເຖິງ ກໍ່ຄືກອງປະຊຸມສຸດຍອດ EAS ໃນເດືອນ ພະຈິກ ຈະມາເຖິງ.