ຮັບຮູ້ການປະກອບສ່ວນ ຂອງກຸ່ມບໍລິສັດຮ່ວາງແອງ ຢາລາຍ ເຂົ້າໃນພາລະກິດ ພັດທະນາເສດຖະກິດ ສັງຄົມຢູ່ລາວ
(ພາບປະກອບ)
(vovworld) - ໃນຊຸມມືຜ່ານມາ, ໜັງສືພິມລາວ ໄດ້ລົງພິມຫຼາຍບົດຂຽນຍ້ອງຍໍກຸ່ມບໍລິສັດ ຮ່ວາງແອງຢາລາຍ ໃນການຊ່ວຍເຫຼືອປະຊາຊົນລາວ ເວົ້າລວມ ແລະ ບັນດາທ້ອງຖິ່ນທາງພາກໃຕ້ຂອງລາວ ເວົ້າສະເພາະ. ພາຍໃຕ້ຫົວຂໍ້ວ່າ “ນ້ຳໃຈອັນສູງສົ່ງຂອງວິສາຫະກິດຫວຽດນາມ ແຫ່ງໜຶ່ງ”, ໜັງສືພິມ “ປະເທດລາວ” ຂອງສຳນັກຂ່າວສານ ປະເທດລາວ ແລະ ໜັງສື່ພິມ “ລາວພັດທະນາ” ຂອງສະມາຄົມນັກຂ່າວລາວ ໄດ້ຄັດຄຳເວົ້າຂອງທ່ານເລຂາຄະນະພັກ, ເຈົ້າແຂວງແຂວງ ອັດຕະປື ຄຳພັນ ພົມມະທັດ ໂດຍໃຫ້ຮູ້ວ່າ ກຸ່ມບໍລິສັດ ຮ່ວາງແອງຢາລາຍ ໄດ້ລົງທຶນປູກຕົ້ນຢາງພາລາ ແລະ ຕົ້ນອ້ອຍ, ເຮັດໃຫ້ປ່າທີ່ຫວ່າງເປົ່າກາຍເປັນບັນດາໂຄງການປູກຕົ້ນຢາງພາລາ, ຟາມປູກອ້ອຍ ນຳມາເຊິ່ງປະສິດທິຜົນດ້ານເສດຖະກິດສູງ, ຊ່ວຍຍົກສູງຊີວິດການເປັນຢູ່ໃຫ້ແກ່ປະຊາຊົນ. ບົດຂຽນໄດ້ຕີລາຄາສູງຕໍ່ການຊ່ວຍເຫຼືອຂອງກຸ່ມບໍລິສັດ ຮ່ວາງແອງຢາລາຍ ທີ່ໄດ້ລົງທຶນເຂົ້າໃນບັນດາແຂວງທຸກຍາກຄື ເຊກອງ ແລະ ອັດຕະປື; ຊ່ວຍເຫຼືອລ້າ 35 ລ້ານ USD ໃຫ້ແກ່ວຽກງານຮັບປະກັນຊີວິດສັງຄົມຢູ່ບັນດາທ້ອງຖິ່ນນີ້ຄື; ກໍ່ສ້າງໂຮງໝໍ 200 ຕຽງ, ຄົວເຮືອນໃຫ້ກຳມະກອນ 1.000 ຄົວເຮືອນ, ສ້າງສູນບໍລິຫານເມືອງ ພູວົງ. ກຸ່ມບໍລິສັດ ຮ່ວາງແອງຢາລາຍ ໄດ້ປະກອບສ່ວນແກ້ໄຂວຽກເຮັດງານທຳໃຫ້ແກ່ປະຊາຊົນ 2 ແຂວງດັ່ງກ່າວ ແລະ ແຂວງໃກ້ຄຽງ 20.000 ຄົນ. ກຸ່ມບໍລິສັດ ຮ່ວາງແອງຢາລາຍ ໄດ້ຮັບຕີລາຄາວ່າ ແມ່ນນັກລົງທຶນຕ່າງປະເທດຮັບຜົນສຳເລັດທີ່ສຸດຢູ່ລາວ ດ້ວຍຍອດຈຳນວນເງິນລົງທຶນເກືອບ 1 ຕື້ USD, ສ້າງວຽກເຮັດງານທຳໃຫ້ແກ່ປະຊາຊົນທ້ອງຖິ່ນ ຫຼຸດຜົ້ນອອກຈາກຄວາມທຸກຍາກໂດຍໄວ.
ໃຫ້ຂໍ້ສັງເກດກ່ຽວກັບ ກຸ່ມບໍລິສັດ ຮ່ວາງແອງຢາລາຍ, ທ່ານຮອງນາຍົກລັດຖະມົນຕີລາວ ສົມສະຫວາດ ເລັ່ງສະຫວັດ ຢືນຢັນວ່າ: ນີ້ແມ່ນກຸ່ມບໍ່ລິສັດເປັນແບບຢ່າງ, ມີຄວາມຕັດສິນສຸງ, ບໍ່ເປັນສຳຄັນຜົນປະໂຫຍດໃນຕໍ່ໜ້າ ຫາກຖືເປັນສຳຄັນຜົນປະໂຫຍດໄລຍະຍາວ, ກ້າຄິດກ້າທຳ, ນຳໃຊ້ວິທະຍາສາດທີ່ທັນສະໄໝຂອງໂລກເຂົ້າໃນການຜະລິດ; ລົງທຶນຢ່າງມີຈຸດສຸມ, ນຳມາເຊິ່ງຜົນປະໂຫຍດອັນແທດຈິງໃຫ້ແກ່ປະຊາຊົນ ແລະ ຊ່ວຍໃຫ້ແຂວງ ອັດຕະປື ນັບມື້ນັບພັດທະນາ.