(vovworld) - ເຂດ​ເສດ​ຖະ​ກິດ​ຈຸດ​ສຸມ​ພາກ​ກາງ ມີ​ທ່າ​ແຮງ​ຫຼາຍ​ຢ່າງ ດ້ວຍ​ບັນ​ດາ​ເຂດ​ຕົວ​ເມືອງ​ທະ​ເລ​ທີດີ, ລະ​ບົບ​ທ່າກ​່ຳ​ປັ່ນ​ນ້ຳ​ເລິກ, ລະ​ບົບ​ສະ​ໜາມ​ບິນ​ຫຼາຍ​ແຫ່ງ. ເຖິງ​ຢ່າງ​ໃດ​ກໍ່​ຕາມ, ການ​ຮ່ວມ​ສຳ​ພັນ​ໃນ​ເຂດ​ຂາດ​ຄວາມ​ແໜ້ນ​ແຟ້ນ, ຍັງ​ມີ​ການ​ປະ​ທະ​ກັນ​ດ້ານ​ຜົນ​ປະ​ໂຫຍດ. ຂໍ້​ມູນ​ຂ່າວ​ດັ່ງ​ກ່າວ​ຖືກ​ຍົກ​ອອກ​ມາ ທີ່ກອງ​ປະ​ຊຸມ​ສຳ​ມະ​ນາ “ຮ່ວ​ມ​ສຳ​ພັນ​ໃນ​ການກໍ່​ສ້າງ​​ລະ​ບົບສູນ ແລະ logistics ​ຢູ່ເຂດ​ເສດ​ຖະ​ກິດ​ຈຸດ​ສຸມ​ພາກ​ກາງ” ໂດ​ຍ​ຄະ​ນະ​ກຳ​ມະ​ການ​ປະ​ຊາ​ຊົນ​ນະ​ຄອນ​ດ່ານັ້ງ, ສະ​ພາ​ເຂດ​ເສດ​ຖະ​​ກິດຈຸ​ດ​ສຸມ​ພາກ​ກາງ  ສົມ​ທົບ​ກັນ​ຈັດ​ຕັ້ງ​ໃນ​ຕອ​ນ​ບ່າຍ​ວັນ​ທີ  09/11, ຢູ່​ນະ​ຄອນ​ດ່ານັ້ງ, ​ເຂດ​ເສດ​ຖະ​ກິດ​ຈຸດ​ສຸມ​ພາກ​ກາງ​ລວມ​ມື 5 ແຂວງ​ຄື: ນະ​ຄອນ​ດ່ານັ້ງ, ກ​ວາງ​ນາມ, ກວາງ​ຫງ້າຍ, ບິ່ງດິ້ງ ແລະ ເທື່ອ​ທ​ຽນ​ເຫ໋ວ. ທົ່ວ​ເຂດ​ມີ 4 ເຂດ​ເສດ​ຖະ​ກິດ, ເຂດ​ເຕັກ​ໂນ​ໂລ​ຊີ​ສູງ 1 ແຫ່ງ, ເຂດ​ອຸດ​ສາ​ຫະ​ກຳ ແລະ 24 ​ກຸ່ມ​ອຸດ​ສາ​ຫະ​ກຳ. ເຂດ​ເສດ​ຖະ​ກິດ​ດັ່ງ​ກ່າວ​ມີທ່າ​ກ່ຳ​ປັ່ນ​ໃຫຍ່ 6 ແຫ່ງ ​ຄື: ຕຽນ​ຊາ, ລຽນ​ຈຽວ, ເຈີນ​ໄມ, ກີ​ຮ່າ, ຢຸງກວດ, ກຸຍ​ເຍີນ