ທ່ານນາຍົກລັດຖະມົນຕີຫງວຽນຊວນຟຸກມອບຫລຽນໄຊແຮງງານຊັ້ນຫນຶ່ງໃຫ້
ສະມາຄົມສົ່ງເສີມການຮ່ຳຮຽນ
ພາບ:TTXVN
|
(vovworld)-ຕອນຄ່ຳວັນທີ 21/9 ຢູ່ ຮ່າໂນ້ຍ,ທ່ານນາຍົກລັດຖະມົນຕີ ຫງວຽນຊວນຟຸກ ໄດ້ເຂົ້າຮ່ວມພິທີສະເຫລີມສະຫລອງ 20 ປີແຫ່ງວັນສ້າງຕັ້ງສະມາຄົມສົ່ງເສີມການຮ່ຳຮຽນ ຫວຽດນາມ ໂດຍສູນກາງສະມາຄົມສົ່ງເສີມການຮ່ຳຮຽນຫວຽດນາມ ຈັດຕັ້ງ. ກ່າວຄຳເຫັນນະພິທີ, ທ່ານນາຍົກລັດຖະມົນຕີ ຫງວຽນຊວນຟຸກ ຕີລາຄາສູງເລື່ອງ ປະຈຳປີ ກອງທຶນສົ່ງເສີມການຮ່ຳຮຽນ ໄດ້ມອບທຶນການສຶກສາໃຫ້ນັກຮຽນທຸກຍາກນັບລ້ານໆຄົນ, ລູກຫລານຄອບຄົວທະຫານເສຍອົງຄະ, ນັກຮົບເສຍສະຫລະຊີວິດເພື່ອຊາດ, ນັກຮຽນຢູ່ເຂດຫ່າງໄກສອກຫລີກ, ຍ້ອງຍໍນັກຮຽນ, ນັກສຶກສາຮຽນເກັ່ງນັບໝື່ນໆຄົນ, ຫນູນຊ່ວຍຄູອາຈານສອນດີສອນເກັ່ງ, ປະກອບສ່ວນຢ່າງຕັ້ງຫນ້າເຂົ້າໃນວຽກງານການສຶກສາໃນທົ່ວສັງຄົມ ແລະ ຄວາມຍຸຕິທຳທາງສັງຄົມກ່ຽວກັບການຮ່ຳຮຽນ. ທ່ານນາຍົກລັດຖະມົນຕີ ຫງວຽນຊວນຟຸກ ໃຫ້ຮູ້ວ່າ:
“ໄລຍະຈະມາເຖິງ, ຄະນະພັກ ແລະ ອຳນາດການປົກຄອງທຸກຂັ້ນ, ບັນດາອົງການຈັດຕັ້ງການເມືອງສັງຄົມ ຄວນສົມທົບກັນຢ່າງແຫນ້ນແຟ້ນ, ສ້າງທຸກເງື່ອນໄຂສະດວກໃຫ້ແກ່ສະມາຄົມສົ່ງເສີມການຮ່ຳຮຽນຫວຽດນາມປະຕິບັດວຽກງານໂຄສະນາໃຫ້ເລິກເຊິ່ງ ກວ້າງຂວາງກວ່າອີກ, ປະຕິບັດທັດສະນະ, ແຜນນະໂຍບາຍ, ແນວທາງຂອງພັກ, ລັດກ່ຽວກັບການປ່ຽນໃຫມ່ການສຶກສາ ແລະ ບຳລຸງສ້າງໂດຍພື້ນຖານ ແລະ ຮອບດ້ານ, ຍູ້ແຮງຂະບວນການຮ່ຳຮຽນຕະຫລອດຊີວິດໃນຄອບຄົວ, ວົງຕະກູນ, ປະຊາຄົມເຂດຊຸມຊົນ.”