(vovworld) - ວັນທີ 9/9, ທ່ານຮອງນາຍົກລັດຖະມົນຕີຫວຽດນາມ Hoang Trung Hai ພ້ອມກັບຄະນະປະຕິບັດງານໄດ້ໄປຢ້ຽມຢາມ ແລະ ເຮັດວຽກຢູ່ແຂວງກວາງບິ່ງ. ທີ່ການເຮັດວຽກກັບການນຳຫຼັກແຫຼ່ງຂອງແຂວງ, ທ່ານຮອງນາຍົກລັດຖະມົນຕີ Hoang Trung Hai ໄດ້ໃຫ້ຄຳຕັກເຕື່ອນກ່ຽວກັບບັນຫາຫັນປ່ຽນໂຄງປະກອບເສດຖະກິດ, ທາງແຂວງຄວນເອົາໃຈໃສ່ເຖິງຄວາມສາມາດບົ່ມຊ້ອນ, ທ່າແຮງຢູ່ແຕ່ລະທ້ອງຖິ່ນ. ທ່ານຮອງນາຍົກລັດຖະມົນຕີ ກໍສະເໜີໃຫ້ກວາງບິ່ງ ຄວນສືບຕໍ່ຍູ້ແຮງເລື່ອງສ້າງເງື່ອນໄຂສະດວກ, ໜູນຊ່ວຍ ແລະ ແກ້ໄຂຄວາມຫຍຸ້ງຍາກໃຫ້ແກ່ວິສາຫະກິດ, ນັກຜະລິດ, ເພີ່ມທະວີການຄຸ້ມຄອງຕະຫຼາດ ໂດຍສະເພາະແມ່ນຄຸ້ມຄອງລາຄາ, ຫີຼິກລ້ຽງ ແລະ ບໍ່ປະໃຫ້ເກີດການເພີ່ມລາຄາ ແລະ ຂາດແຄນສິນຄ້າ, ມີມາດຕະການຢ່າງເໝາະສົມໃນການກະກຽມສິນຄ້າເພື່ອຮັບປະກັນການຊື້ ຂາຍ ໃນໂອກາດທ້າຍປີ. ທີ່ການເຮັດວຽກ, ທ່ານຮອງນາຍົກລັດຖະມົນຕີ ສະເໜີກະຊວງຄົມມະນາຄົມ - ຂົນສົ່ງ ຈົ່ງຄົ້ນຄວ້າເພື່ອພິຈາລະນາການລົງທຶນ, ຍົກລະດັບບາງເສັ້ນທາງເຊື່ອມຕໍ່ລະຫວ່າງທາງຫຼວງ 1A ແລະ ເສັ້ນທາງໂຮ່ຈິມິນ ໃນບໍລິເວັນແຂວງກວາງບິ່ງ ປະກອບສ່ວນຮັບປະກັນຄວາມປອດໄພທາງຄົມມະນາຄົມ, ໂດຍສະເພາະໃນຍາມນ້ຳຖ້ວມ.