ຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ຟ້າມບີ່ງມິງ ຈະເຂົ້າຮ່ວມເວທີປາໄສອະນາຄົດ ອາຊີ ຢູ່ ຍີ່ປຸ່ນ
(VOVWORLD) - ວັນທີ 27 ພຶດສະພາ, ລັດຖະບານ ຍີ່ປຸ່ນ ປະກາດວ່າ ການນຳ ແລະ ເຈົ້າໜ້າທີ່ອາວຸໂສຂອງ 7 ປະເທດ ອາຊີ, ໃນນັ້ນ ມີ ຫວຽດນາມ ຈະໄປ ຍີ່ປຸ່ນ ໃນອາທິດນີ້ ເພື່ອເຂົ້າຮ່ວມເວທີປາໄສອະນາຄົດ ອາຊີ.
 ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ຫວຽດນາມ ຟ້າມບີ່ງມິງ (ພາບ: TTXVN) |
ເຫດການດັ່ງກ່າວໂດຍແມ່ນກຸ່ມບໍລິສັດ Nikkei Inc ເປັນເຈົ້າພາບຈັດຕັ້ງ, ຊຶ່ງຈະດຳເນີນແຕ່ວັນທີ 30 – 31 ພຶດສະພາ. ບັນດາການນຳເຂົ້າຮ່ວມເວທີປາໄສຢູ່ ຍີ່ປຸ່ນ ລວມມີ: ທ່ານປະທານາທິບໍດີ ຟີລິບປີນ Rodrigo Duterte, ທ່ານນາຍົກລັດຖະມົນຕີ ມາເລເຊຍ Mahathir Mohamad, ທ່ານນາຍົກລັດຖະມົນຕີ ບັງກະລາເທດ Sheikh Hasina, ທ່ານນາຍົກລັດຖະມົນຕີ ກຳປູເຈຍ Samdech Techo Hun Sen, ທ່ານນາຍົກລັດຖະມົນຕີ ລາວ ທອງລຸນ ສີສຸລິດ, ທ່ານຮອງນາຍົກລັດຖະມົນຕີ ສິງກະໂປ Heng Swee Keat ແລະ ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ຫວຽດນາມ ຟ້າມບີ່ງມິງ.