(ພາບປະກອບ:toaan.gov.vn)

(vovworld)- ຕອນ​ເຊົ້າວັນ​ທີ 9/7, ​ໄດ້​ໄຂ​ກອງ​ປະຊຸມ​ເທື່ອ​ທີ 7 ສະພາ ປຊຊ ​​ແຂວງ​ນາມ​ດິ້ງ ອາຍຸ​ການ 2011-2016. ​ເຂົ້າຮ່ວມ ​ແລະ ກ່າວ​ຄຳ​ເຫັນ​ທີ່​ກອງ​ປະຊຸມ, ທ່ານຮອງ​ນາຍົກລັດຖະມົນຕີຫວູ໋ວັນ​ນິງ​ ​ໄດ້​ຕີ​ລາຄາ​ສູງ​ບັນດາ​ໝາກຜົນ​ທີ່​ແຂວງ​ນາມ​ດິ້ງ​ບັນລຸ​ໄດ້​​ໃນ​ຂົງ​ເຂດ​ຕ່າງ​ໆໃນ 6 ​ເດືອນ​ຕົ້ນປີ 2013. ທ່ານ​ສະ​ເໜີ​ໃຫ້​ແຂວງ​ນາມ​ດິ້ງ ຈົ່ງປະຕິ​ບັດ​ບັນດາ​ຄາດໝາຍ​ໃນ​ໂຄງການ​ກໍ່ສ້າງ​ຊົນນະບົດ​ໃໝ່​ແບບ​ຍືນຍົງ; ​ເອົາ​ໃຈ​ໃສ່​ເປັນ​ພິ​ເສດ​ຕໍ່ການ​ຜະລິດຢູ່​ເຂດ​ຊົນນະບົດ, ​ແກ້​ໄຂ​ຄວາມ​ຫຍຸ້ງຍາກ​ໃຫ້​ແກ່​ການ​ຜະລິດ, ​ເອົາ​ໃຈ​ໃສ່​ການ​ພັດທະນາ​ກະສິກຳ, ຊົນນະບົດ ​ແລະ ກໍ່ສ້າງ​ຊົນນະບົດ​ໃໝ່​, ​ເອົ​າ​ໃຈ​ໃສ່​ເບິ່ງ​ແຍງ​ຊີວິດ​ການ​ເປັນ​ຢູ່​ຂອງ ປຊຊ, ຮັບປະກັນ​ຊີວິດ​ສັງຄົມ, ຮັກສາ​ການ​ປ້ອງ​ກັນຊາ​ດ ປ້ອງ​ກັນ​ຄວາມ​ສະຫງົບ​ໃຫ້ໝັ້ນຄົງ.

 ​ກ່ຽວ​ກັບ​ສະພາບ​ເສດຖະກິດ​ສັງຄົມ ​ແລະ ວຽກ​ງານ​ບໍລິຫານ​ຂອງ​ລັດຖະບານ​ໃນ 6 ​ເດືອນ​ຕົ້ນ​ປີ 2013 ​ແລະ ​ໃນ​ໄລຍະ​ຈະ​ມາ​ເຖິງ, ທ່ານຮອງ​ນາຍົກລັດຖະມົນຕີຫວູ໋ວັນ​ນິງ​ ​ໃຫ້​ຮູ້​ວ່າ: ​ເສດຖະກິດ​ມະຫາ​ພາກ​ໃນ 6 ​ເດືອນ​ຕົ້ນປີ​ພັດທະນາ​ດີ​ພໍ​ສົມຄວນ, ​ໄພ​ເງິນ​ເຟີ້​​ໄດ້ຮັບ​ການ​ຄວບ​ຄຸມ, ການ​ປ້ອງ​ກັນຊາ​ດ ປ້ອງ​ກັນ​ຄວາມ​ສະຫງົບ​ໄດ້​ຮັບ​ການ​ຮັກສາ​ຢ່າງໝັ້ນຄົງ.