(vovworld) - ວັນທີ 26/02, ທ່ານຮອງນາຍົກລັດຖະມົນຕີຫວຽດນາມ ຮ່ວາງຈູງຫາຍ ພ້ອມກັບຄະນະປະຕິບັດງານລັດຖະບານ, ກະຊວງກະສິກຳ ແລະ ພັດທະນາຊົນນະບົດ ໄດ້ໄປຢ້ຽມຢາມ ແລະ ເຮັດວຽກຢູ່ແຂວງ ບາກລຽວ. ທ່ານຮອງນາຍົກລັດຖະມົນຕີ ໄດ້ສະຫງວນເວລາສ່ວນຫຼາຍເພື່ອພິຈາລະນາໂຄງການໄຟຟ້າແຮງລົມແຂວງບາກລຽວ, ໂຄງການໄດ້ຮັບການກໍ່ສ້າງໃນເນື້ອທີ 500 ເຮັດຕາ, ດ້ວຍຍອດຈຳນວນເງິນລົງທຶນຂອງໂຄງການແມ່ນ 5.200 ຕື້ດົງ, ໃນນັ້ນ, ໄລຍະທີ 1 ໂຄງການໄດ້ລົງທຶນສ້າງສຳເລັດ 10 turbine ລົມ ດ້ວຍຍອດກຳລັງຜະລິດໄຟຟ້າ 56 ລ້ານ KWh/ປີ, ຈະເຊື່ອມຕໍ່ເຂົ້າຕາໜ່າງໄຟຟ້າແຫ່ງຊາດໃນຊຸມວັນຈະມາເຖິງ. ທ່ານຮອງນາຍົກລັດຖະມົນຕີ ຮ່ວາງຈູງຫາຍ ປາດຖະໜາວ່າ ທ້ອງຖິ່ນມີຄວາມເອົາໃຈໃສ່ຫຼາຍກວ່າອີກເຖິງນະໂຍບາຍໃຫ້ກູ້ຢື່ມທຶນບຸລິມະສິດ ເພ່ືອໃຫ້ບັນດາວິສາຫະກິດພັດທະນາເສດຖະກິດທ້ອງຖິ່ນ.
ແລະກໍໃນວັນດຽວກັນ, ທ່ານຮອງນາຍົກລັດຖະມົນຕີ ຮວ່າງຈູງຫາຍ ໄດ້ໄປຢ້ຽມຢາມພະນັກງານ, ພາລະກອນໂຮງງານຝຸ່ນເຄມີກາເມົາ ຂຶ້ນກັບເຂດອຸດສາຫະກຳອາຍແກັດໄຟຟ້າ - ຝຸ່ນອາຊົດ ກາເມົາ.