ຮອງນາຍົກລັດຖະມົນຕີ ເຈືອງຮ່ວາບີງ ເຮັດວຽກຢູ່ແຂວງ ກວາງຫງາຍ
(VOVWORLD) - ຕອນເຊົ້າວັນທີ 24 ກໍລະກົດ, ທ່ານຮອງນາຍົກລັດຖະມົນຕີ ຫວຽດນາມ ເຈືອງຮ່ວາບີງ ເຮັດວຽກກັບແຂວງ ກວາງຫງາຍ ກ່ຽວກັບສະພາບການປະຕິບັດບັນດານະໂຍບາຍຫລຸດຜ່ອນຄວາມທຸກຍາກ, ຊົນເຜົ່າເຂດພູດອຍ
 ຮອງນາຍົກລັດຖະມົນຕີ ເຈືອງຮ່ວາບີງ ເຮັດວຽກຢູ່ແຂວງ ກວາງຫງາຍ |
ທ່ານຮອງນາຍົກລັດຖະມົນຕີ ເຈືອງຮ່ວາບີງ ຖືວ່າ: ກວາງຫງາຍ ແມ່ນທ້ອງຖິ່ນມີປະຊາຊົນບັນດາເຜົ່າສ່ວນໜ້ອຍ ກວມເປັນສ່ວນຫລາຍ, ສະນັ້ນ, ທາງແຂວງໃຫ້ບຸລິມະສິດການລົງທຶນໃຫ້ເຂດນີ້. ທ່ານຮອງນາຍົກລັດຖະມົນຕີ ເຈືອງຮ່ວາບີງ ຕັກເຕືອນວ່າ ແຂວງ ກວາງຫງາຍ ຈົ່ງປະຕິບັດວຽກງານວາງແຜນກຳນົດ, ຄຸ້ມຄອງແຜນກຳນົດເປັນຢ່າງດີ. ກ່ອນໜ້ານັ້ນ, ກໍ່ໃນຕອນເຊົ້າວັນທີ 24 ກໍລະກົດ, ທ່ານຮອງນາຍົກລັດຖະມົນຕີ ເຈືອງຮ່ວາບີງ ໄດ້ວາງພວງມາລາ, ຖະຫວາຍທູບທຽນຢູ່ອະນຸສາວະລີແມ່ ຫວຽດນາມ ວິລະຊົນ ແລະ ຢ້ຽມຢາມຫໍພິພິທະພັນແມ່ ຫວຽດນາມ ວິລະຊົນ.