ຮອງນາຍົກລັດຖະມົນຕີຈີ້ງດິ່ງຢູ້ງເຮັດວຽກກັບສະຫະສະມາຄົມໜັງ,ເກີບ,ກະເປົາ

ວັນສຸກ ທີ 25 ພະຈິກ ຄ.ສ. 2016 | 14:16:37

(vovworld) - ວັນທີ 24/11, ຢູ່ແຂວງ ບີ່ງເຢືອງ, ເມື່ອເຮັດວຽກກັບສະຫະສະມາຄົມໜັງ, ເກີບ, ກະເປົາ ຫວຽດນາມ, ທ່ານຮອງນາຍົກລັດຖະມົນຕີ ຈີ້ງດິ່ງຢູ້ງ ໃຫ້ຮູ້ວ່າ: ລັດຖະບານ ຈະມີບັນດາການປັບປຸງນະໂຍບາຍເພື່ອແນໃສ່ສົ່ງເສີມການພັດທະນາຂະແໜງນີ້. ທ່ານຮອງນາຍົກລັດຖະມົນຕີ ຈີ້ງດິ່ງຢູ້ງ ຖືວ່າ ເພື່ອພັດທະນາຂະແໜງເກີບໜັງໃຫ້ກາຍເປັນຂະແໜງມີມູນຄ່າຜະລິດໃຫຍ່, ກຳລັງແກ່ງແຍ້ງສູງໃນສະພາບການເຊື່ອມໂຍງດ້ານເສດຖະກິດ, ຕ້ອງພັດທະນາບັນດາຂະແໜງອຸດສາຫະກຳສຳຮອງຂອງຂະແໜງເກີບໜັງຢ່າງແຮງ. ພ້ອມກັນນັ້ນ, ຕ້ອງລະດົມກຳລັງໃຈ, ສົ່ງເສີມ, ແນະນຳບັນດາວິສາຫະກິດໃຫ້ບຸລິມະສິດແກ່ການລົງທຶນໃຫ້ການຄົ້ນຄ້ວາ, ພັດທະນາ. ບັນດາວິສາຫະກິດອາດສາມາດຮ່ວມດຳເນີນທຸລະກິດ, ຮ່ວມສຳພັນນຳກັນເພື່ອສ້າງບັນດາສູນຄົ້ນຄ້ວາ ແລະ ພັດທະນາດ້ວຍຂອບຂະໜາດໃຫຍ່, ທັນສະໄໝ. ສະຫະສະມາຄົມໜັງ, ເກີບ, ກະເປົາ ກໍ່ຕ້ອງມີສູນຄົ້ນຄ້ວາ ແລະ ພັດທະນາໃຫຍ່ເພື່ອໜູນຊ່ວຍບັນດາວິສາຫະກິດຂະໜາດນ້ອຍ, ທີ່ຍັງບໍ່ທັນມີເງື່ອນໄຂຄົບຖ້ວນ. ທ່ານຮອງນາຍົກລັດຖະມົນຕີ ຈີ້ງດິ່ງຢູ້ງ ໄດ້ແນະນຳໃຫ້ແຂວງ ບີ່ງເຢືອງ ແລະ ບັນດາທ້ອງຖິ່ນຄົ້ນຄ້ວາກໍ່ສ້າງບາງເຂດ, ກຸ່ມອຸດສາຫະກຳໂດຍສຸມໃສ່ຂະແໜງເກີບໜັງເພື່ອອາດສາມາດເສີມຂະຫຍາຍປະສິດທິຜົນຂອງພື້ນຖານໂຄງລ່າງ, ເຕັກໂນໂລຢີ, ອຸປະກອນຢ່າງ ສຸດຂີດ.