ຮອງນາຍົກລັດຖະມົນຕີຫງວຽນຊວນຟຸກຕ້ອນຮັບຄະນະອະດິດນັກໂທດການເມືອງແຂວງດັກລັກ

ວັນພຸດ ທີ 30 ກໍລະກົດ ຄ.ສ. 2014 | 14:05:54

(vovworld) – ຕອນບ່າຍວັນທີ 29/7, ທີ່ການຕ້ອນຮັບນັກຮົບປະຕິວັດແຂວງ ດັກລັກ 32 ຄົນ, ທ່ານຮອງນາຍົກລັດຖະມົນຕີ ຫງວຽນຊວນຟຸກ ຢືນຢັນວ່າ: ພັກ, ລັດ, ລັດຖະບານຍາມໃດກໍ່ຮູ້ບຸນຄຸນອັນໃຫຍ່ຫຼວງຂອງບັນດານັກຮົບປະຕິວັດທີ່ຖືກສັດຕູຈັບຄຸມຂັງ, ຜູ້ມີຄຸນງາມຄວາມດີຕໍ່ການປະຕິວັດໃນການຕໍ່ສູ້ປົດປ່ອຍຊາດ ແລະ ສ້າງສາປະເທດຊາດ. ຄຽງຄູ່ກັນນັ້ນ, ພັກ, ລັດຍາມໃດກໍ່ເອົາໃຈໃສ່ ແລະ ຈະເຮັດຈົນສຸດຄວາມສາມາດຂອງຕົນເພື່ອຍົກສູງຊີວິດທາງດ້ານວັດຖຸ, ຈິດໃຈຂອງບັນດາຄອບຄົວນະໂຍບາຍ, ຜູ້ມີຄຸນງາມຄວາມດີຕໍ່ປະເທດຊາດເວົ້າລວມ ແລະ ແຂວງ ດັກລັກ ເວົ້າສະເພາະ. ທ່ານຮອງນາຍົກລັດຖະມົນຕີ ຫງວຽນຊວນຟຸກ ສະເໜີໃຫ້ການນຳ ແລະ ອຳນາດການປົກຄອງທຸກຂັ້ນແຂວງ ດັກລັກ ສືບຕໍ່ຍູ້ແຮງບັນດາການເຄື່ອນໄຫວສັງຄົມ, ຂົນຂວາຍໜູນຊ່ວຍ, ຊ່ວຍເຫຼືອບັນດາຄອບຄົວນະໂຍບາຍ, ຜູ້ມີຄຸນງາມຄວາມດີຕໍ່ການປະຕິວັດທີ່ຍັງປະສົບກັບຄວາມຫຍຸ້ງຍາກ, ບືນຕົວຂຶ້ນໃນຊີວິດການເປັນຢູ່. ພ້ອມທັງ, ປາດຖະໜາຢາກໃຫ້ບັນດາຄະນະຜູ້ແທນທີ່ມີຄຸນງາມຄວາມດີແຂວງ ດັກລັກ ສືບຕໍ່ເສີມຂະຫຍາຍມູນເຊື້ອປະຕິວັດ, ສຶກສາລຸ້ນໜຸ່ມຕັ້ງໜ້າປະກອບສ່ວນສ້າງສາບ້ານເກີດເມືອງນອນ, ປະເທດຊາດໃຫ້ນັບມື້ນັບພັດທະນາ.