ຮອງນາຍົກລັດຖະມົນຕີຫງວຽນຊວນຟຸກຢ້ຽມຢາມແລະອວຍພອນບຸນເຕັດຢູ່ຫາຍເຢືອງ
ທ່ານ ຫງວຽນຊວນຟຸກ ອວຍພອນບຸດເຕັດພະນັກງານ
ລັດຖະກອນສະຖາບັນຕົ້ນທັນຍາຫານ ແລະ ອາຫານ
(ພາບ: VGP)
(vovworld) - ຕອນບ່າຍວັນທີ 14/02 ທ່ານຮອງນາຍົກລັດຖະມົນຕີ ຫງວຽນຊວນຟຸກ ໄດ້ລົງແຂວງ ຫາຍເຢືອງ ເພື່ອຢ້ຽມຢາມ ແລະ ອວຍພອນບຸນເຕັດພະນັກງານ, ລັດຖະກອນສະຖາບັນຕົ້ນທັນຍາຫານ ແລະ ອາຫານ (ເມືອງ ຢາຫລົກ), ອວຍພອນບຸນເຕັດພະນັກງານ ແລະ ປະຊາຊົນຕາແສງຊົນນະບົດໃໝ່ ຮົ່ງທ໋າຍ (ເມືອງ ນີງຢາງ). ເມື່ອຢ້ຽມຢາມເຂດຄົ້ນຄວ້າແນວປູກ, ຮັບຟັງບົດລາຍງານໝາກຜົນຕ່າງໆທີ່ພົ້ນເດັ່ນໃນວຽກງານຄົ້ນຄວ້າ ແລະ ຖ່າຍທອດຄວາມກ້າວໜ້າເຕັກນິກການປູກຕົ້ນທັນຍາຫານ ແລະ ຫາຫານ, ທ່ານຮອງນາຍົກລັດຖະມົນຕີ ຮັບຮູ້ຜົນງານຂອງສະຖາບັນ ຊຶ່ງໄດ້ຄົ້ນຄວ້າ, ມອບໂອນແນວປູກໃໝ່ຫລາຍຊະນິດທີ່ໃຫ້ສະມັດຕະພາບສູງ, ຄຸນນະພາບດີ. ທ່ານຮອງນາຍົກລັດຖະມົນຕີ ຫງວຽນຊວນຟຸກ ສະເໜີສະຖາບັນເອົາໃຈໃສ່ເປັນພິເສດ ເຊິ່ງການອະນຸລັກຮັກສາຂຸດຄົ້ນແຫຼ່ງພັນທຸກຳແນວປູກທີ່ດີ, ມີທ່າແຮງ.
ເມື່ອຖະຫວາຍທູບທຽນ ແລະ ປູກຕົ້ນໄມ້ທີ່ລະນຶກຢູ່ເຂດອະນຸສອນສະຖານປະທານໂຮ່ຈີມິນ ຂຶ້ນກັບຕາແສງ ຮົ່ງທ໋າຍ, ທ່ານຮອງນາຍົກລັດຖະມົນຕີ ຫງວຽນຊວນຟຸກ ໄດ້ຢ້ຽມຢາມຖາມຂ່າວ, ໂອ້ລົມກັບປະຊາຊົນທ້ອງຖິ່ນ. ທ່ານຮອງນາຍົກລັດຖະມົນຕີສະເໜີອຳນາດການປົກຄອງ, ປະຊາຊົນທ້ອງຖິ່ນສືບຕໍ່ສາມັກຄີ, ສູ້ຊົນກໍ່ສ້າງບ້ານເກີດເມືອງນອນໃຫ້ຮັ່ງມີເຂັ້ມແຂງ, ສີວິໄລ, ກໍ່ສ້າງຕາແສງ ຮົ່ງທ໋າຍກາຍເປັນຕາແສງວັດທະນະທຳ. ເນື່ອງໃນໂອກາດນີ້, ທ່ານຮອງນາຍົກລັດຖະມົນຕີ ຫງວຽນຊວນຟຸກ ໄດ້ລົງຢ້ຽມຢາມ ແລະ ມອບຂອງຂວັນໃຫ້ຄູອາຈານ ແລະ ນັກຮຽນຊັ້ນອະນຸບານຢູ່ໂຮງຮຽນອະນຸບານ ຮົ່ງທ໋າຍ.