ທ່ານ ຫວູວັນນິງ ຕ້ອນຮັບ ຄະນະຜູ້ແທນທີ່ມີຄຸນ
ງາມຄວາມດີຕໍ່ການປະຕິວັດແຂວງ ກຽນຢາງ
(ພາບ: doantuan/TTXVN)
(vovworld) – ທີ່ການຕ້ອນຮັບ ຄະນະຜູ້ແທນທີ່ມີຄຸນງາມຄວາມດີຕໍ່ການປະຕິວັດແຂວງ ກຽນຢາງ ໃນຕອນບ່າຍວັນທີ 19/11. ຢູ່ສຳນັກງານລັດຖະບານ ຫວຽດນາມ ທ່ານ ຫວູວັນນິງ ຮອງນາຍົກລັດຖະມົນຕີ ຢືນຢັນວ່າ: ພັກ, ລັດ ຍາມໃດກໍຈົດຈຳບຸນຄຸນ; ເອົາໃຈໃສ່, ສ້າງເງື່ອນໄຂທີ່ດີສຸດ ເພື່ອຮັບປະກັນ ແລະ ຍົກສູງຊີວິດການເປັນຢູ່ ທາງດ້ານວັດຖຸ ແລະ ຈິດໃຈຂອງທະຫານເສຍອົງຄະ, ທະຫານເຈັບປ່ວຍ, ຍາດຕິພີ່ນ້ອງຂອງນັກຮົບທີ່ເສຍສະຫຼະຊີວິດເພື່ອຊາດ ແລະ ຜູ້ມີຄຸນງາມຄວາມດີຕໍ່ການປະຕິວັດ. ໃນໄລຍະຈະມາເຖິງ, ລັດຖະບານຈະສືບຕໍ່ເປັນເສນາທິການໃຫ້ ພັກ, ລັດ, ເພື່ອວາງອອກບັນດານະໂຍບາຍ ແນໃສ່ສົ່ງເສີມຊີວິດການເປັນຢູ່ຂອງຜູ້ມີຄຸນງາມຄວາມດີແຂວງ ກຽນຢາງ ເວົ້າສະເພາະ ແລະ ຜູ້ມີຄຸນງາມຄວາມດີໃນທົ່ວປະເທດເວົ້າລວມໃຫ້ດີກ່ວາ. ທ່ານຮອງນາຍົກລັດຖະມົນຕີ ປາດຖະໜາວ່າ: ບັນດາທະຫານເສຍອົງຄະ, ທະຫານເຈັບປ່ວຍ, ຜູ້ມີຄຸນງາມຄວາມດີແຂວງ ກຽນຢາງ ຈະສືບຕໍ່ເສີມຂະຫຍາຍມູນເຊື້ອປະຕິວັດ; ເປັນແບບຢ່າງໃຫ້ລຸ່ນໜຸ່ມຮ່ຳຮຽນ, ປະຕິບັດຕາມ, ປະກອບກຳລັງກໍ່ສ້າງບ້ານເກີດເມືອງນອນ, ປະເທດຊາດໃຫ້ນັບມື້ນັບຮັ່ງມີເຂັ້ມແຂງ.