(vovworld) - ວັນ​ທີ 9/1, ຫ້ອງວ່າ​ການ​ລັດ​ຖະ​ບານ​​ໄດ້​ເຜີຍ​ແຜ່ຄຳ​ເຫັນ​ຂອງ​ທ່ານ​ຮອງ​ນາ​ຍົກ​ລັດ​ຖະ​ມົນ​ຕີ ຮ່​ວາງ​ຈູງ​ຫາຍ ທີ່ກອງ​ປະ​ຊຸມ​ສະ​ຫລຸບ​ວຽກ​ງານ​ປີ 2014, ຜັນ​ຂະ​ຫຍາຍ​ໜ້າ​ທີ່​ປີ 2015 ຂອງ​ຂະ​ແໜງ​ຊັບ​ພະ​ຍາ​ກອນ ແລະ ສິ່ງ​ແວດ​ລ້ອມ. ​ໃນ​ນັ້ນ​ຊີ້​ແຈ້ງວ່າ, ລັດ​ຖະ​ບານ​ຕີ​ລາ​ຄາ​ສູງ ແລະ ຍ້ອງຍ​ໍ​ຊົມ​ເຊີຍ​ບັນ​ດາ​ໝາກ​ຜົນ​​ເຊິ່ງ​ຂະ​ແໜງ​ຊັບ​ພະ​ຍາ​ກອນ ແລະ ສິ່ງ​ແວດ​ລ້ອມ​ບັນ​ລຸ​ໄດ້​ໃນ​ປີ 2014. ປີ 2015 ແມ່ນ​ປີ​ສຸດ​ທ້າຍ​ຂອງ​ແຜນ​ການ 5 ປີ 2011 – 2015, ສ້າງ​ປະ​ຖົມ​ປັດ​ໄຈ​ໃຫ້​ແກ່​ແຜນ​ການ 5 ປີ 2016 – 2020, ດັ່ງ​ນັ້ນ, ບັນ​ດາ​ໜ້າ​ທີ່​ວາງ​ອອກ​ຂອງ​ຂະ​ແໜງ​ຊັບ​ພະ​ຍາ​ກອນ ແລະ ສິ່ງ​ແວດ​ລ້ອມ​ແມ່ນ​ຮີບ​ດ່ວນທີ່​ສຸດ, ຮຽກ​ຮ້ອງ​ໃຫ້​ທົ່ວ​ຂະ​ແໜງ​ຕ້ອງ​ມາ​ນະ​ພະ​ຍາ​ຍາມ, ຕັດ​ສິນ​ໃຈ​ກ່​ວາ​ອີກ. ຕາມນັ້ນ​ແລ້ວ, ຂະ​ແໜງ​ສືບ​ຕໍ່​ຍູ້​ແຮງ​ການ​ປະ​ຕິ​ຮູບ​​ດ້ານ​ການ​ບໍ​ລິ​ຫານ​ຕາມ​ຄຳ​​ສັ່ງຊີ້​ນຳ​ຂອງ​ລັດ​ຖະ​ບານ, ຄົ້ນ​ຄ້ວ​າ​ປະ​ຕິ​ບັດ​ການ​ເຊື່ອມ​ຕໍ່ບັນ​ດາ​ລະ​ບຽບ​ການ​ບໍ​ລິ​ຫານ​ກ່ຽວ​ກັບ​ຊັບ​ພະ​ຍາ​ກອນ​ສິ່ງ​ແວດ​ລ້ອມ, ສືບ​ຕໍ່​ຕິດ​ຕາມກວດ​ກາ, ລົບ​ລ້າງ ແລະ ຫັນ​ບັນ​ດາ​ລະ​ບຽບ​ການ​ບໍ​ລິ​ຫານ​ເປັນ​ງ່າຍ​ດາຍ ເພື່ອ​ແນ​ໃສ່​ສ້າງ​ສະ​ພາບ​ແວດ​ລ້ອມ​ລົງ​ທຶນ, ດຳ​ເນີນ​ທຸ​ລະ​ກິດສະ​ດວກ, ສ້າງ​ກຳ​ລັງ​ໜູນ​ພັດ​ທະ​ນາ, ປະ​ກອບ​ສ່ວ​ນ​ຊຸກ​ຍູ້​ເສດ​ຖະ​ກິດ​ສັງ​ຄົມ, ພິ​ເສດ​ແມ່ນ​ບັນ​ດາ​ຂົງ​ເຂດ​​ທີ່ກ່ຽວ​ຂ້ອງ​ໂດຍ​ກົງ​ເຖິງ​ສິດ​ຜົນ​ປະ​ໂຫຍດ​ຂອງ​ປະ​ຊາ​ຊົນ, ວິ​ສາ​ຫະ​ກິດ​ຄື: ທີ່​ດິນ, ຊັບ​ພະ​ຍາ​ກອນບໍ່​ແຮ່, ຊັບ​ພະ​ຍາ​ກອນ​ນ້ຳ ແລະ ສິ່ງ​ແວດ​ລ້ອມ.